कालिकोट ./: जिल्लाको प्रतिनिधिसभा र प्रदेशसभामा वाम गठबन्धननका उम्मेदवारहरु विजयी भएका छन्। एक प्रतिनिधिसभा र दुई प्रदेशसभा निर्वाचन क्षेत्र रहेको कालिकोटमा प्रतिनीधिसभामा माओवादी केन्द्रका दुर्गबहादुर रावत, प्रदेशसभा ‘क’ मा एमालेमा कुर्मराज शाही र प्रदेशसभा ‘ख’ महेन्द्रबहादुर शाही विजयी भएका हुन् । वाम गठबन्धनका प्रतिनिधिसभाका उम्मेदवार रावतले २१ हजार १ सय ११ मत ल्याए भने निकटम प्रतिद्वन्द्वी कांग्रेसका भुपेन्द्रजंग शाहीले १६ हजार २ सय ८३ मत प्राप्त गरे। रावतले शाहीलाई ४ हजार ८ सय २८ मतले पछाडि पारेका थिए। दुई प्रदेशमा एक माओवादी र एक एमाले जिल्लाका दुवै प्रदेशसभामा वाम गठबन्धनका उम्मेदवारहरु विजयी भएका छन्। प्रदेशसभा क मा नेकपा एमालेका कुर्मराज शाही र प्रदेशसभा ‘ख’मा माओवादी केन्द्रका महेन्द्रबहादुर शाही विजयी भएका हुन्। प्रदेशसभा ‘क’ मा नेकपा एमालेका कुर्मराज शाहीले ११ हजार ९ सय ३५ मत ल्याएर विजयी भए भने उनका निकटम प्रतिद्वन्द्वी कांग्रेसका टेकराज शाहीले ४ हजार २ सय ८९ मत ल्याएका थिए। प्रदेशसभा ‘ख’मा माओवादी केन्द्रका महेन्द्रबहादुर शाहीले १२ हजार १ सय ५३ मत ल्याएर विजयी भएका छन्। शाहीका निकटम प्रतिद्वन्द्वी नेपाली कांग्रेसका कालीबहादुर सहकारीले ९ हजार ३ सय ४२ मत ल्याएका थिए। शाहीले सहकारीलाई २ हजार ८ सय ११ मतले पछाडि पारेका थिए।
प्रतिक्रिया दिनुहोस्