बुटवल, १६ चैत्र ।
बुटवलको धागो कारखानामा रहेका कोरोना अस्थायी अस्पतालमा आईसोलेशन बेडमा उपचार गराईरहेका १ जनाको मृत्यु भएको छ । गत १३ गते कोरोना भाइरस संक्रमणको लक्षण देखिएपछि अस्पताल भर्ना भएका ३४ वर्षिय युवाको आज मध्यान्न्ह मृत्यु भएको अस्पतालका सुचना अधिकृत डाक्टर बिष्णु गौतमले पुष्टी गर्नुभएको छ ।

उनी गत चैत्र ६ गते दुबईबाट काठमाण्डौ हुंदै रुपन्देही आएका थिए । सैनामैनाका स्थायी बासिन्दा उनलाई ज्वरो आएपछि अस्पताल भर्ना गरिएको थियो ।

अस्पतालले आज मात्र उनको स्वाव परिक्षणका लागि केन्द्रिय प्रयोगशाला काठमाण्डौ पठाएको थियो । कोरोना भाइरसकै कारण मृत्यु भएको भने उनको रिपोर्ट आएपछि मात्र भन्न सकिने डाक्टर भण्डारीले बताउनु भयो । आज बिहानबाट सिकिस्त भएपछि उनलाई आईसियुमा लैजान अस्पतालले आफन्त बोलाएको थियो । तर आफन्त अस्पताल नपुग्दै उनको मृत्यु भएको बताईएको छ । उनको मृत्युपश्चात् उनको परिवारलाई समेत स्वाबको रिपोर्ट नआउँदासम्म क्वारेन्टाइनमा राख्ने व्यवस्था गरिनेसमेत लुम्बिनी प्रादेशीक अस्पतालको मेडिकल सुपरिटेण्डेन्ट डाक्टर राजेन्द्र खनालले जानकारी दिनुभयो ।