बुटवल, २९ फागुन ।
रुपन्देहीको तिलोत्तमा नगरपालिकालाई शुन्य पोलिथिनयुक्त नगरपालिका घोषणा गर्ने तयारी पुरा भएको छ ।
बिगत तीन महिनादेखि स्थानीयबासीको सहभागितामा नगरमा शुन्य पोलिथिन अभियान चलाइएकोमा तिलोत्तमा नगरपालिकाले शुंक्रबार शुन्य पोलिथिनयुक्त नगर घोषणा गर्ने भएको् छ । नगरपालिाकले आज पत्रकार सम्मेलन गर्दै संघीय सरकारका कृषिमन्त्री घनश्याम भुसालले शुन्य पोलिथिन नगर घोषणा गरिने जानकारी गराएको छ ।
पत्रकार सम्मेलनमा बोल्दै नगर प्रमुख बासुदेव घिमीरेले पोलिथिन शुन्य सहित सरकारी मापदण्ड अनुसार तिलोत्तमा पुर्ण सरसफाई इुक्त नगरपालिका बनिसकेको दाबी गर्नुभयो । उहांले पुर्ण सरसफाईको मादण्ड नगरपालिकाले पुरा गरेपनि जिल्ला समन्वय समितीले सिफारिस गर्न आलटाल गरेकाले राज्यबाट घोषणा गर्न ढिलाई भएको बताउनु भयो ।
स्थानीयतहलाई पुर्व सरसफाई युक्त पालिका घोषणा गर्न जिल्ला समन्वय समितीका संयोजकको अध्यक्षतामा रहेको खानेपानी तथा सरसफाई समन्वय समितीले सिफारिस गर्नुपर्ने प्रावधान रहेको छ ।
नगरपालिकाले शुन्य पोलिथिन अभियानका क्रममा दैनिक ८ घण्टाको दरले एकलाख नगरबासीलाई श्रमशक्तिको रुपमा परिचालन गरेको र ३ महिनाका बिचमा ८० हजार बोरामा १२ हजार किलो पोलिथिनजन्य फोहर संकलन गरिएको नगरप्रमुख घिमिरेले बताउनु भयो ।
नगरपालिकालाई शुन्य पोलिथिनयुक्त घोषणा गर्नुअघि बुधबार वातावरणविद्, शिक्षाविद्, पत्रकार सहितको विज्ञ टोलीले तिलोत्तमा नगरपालिकाका सबै वडाको अनुगमन गरेको थियो । अनुगमन टोलीले तिलोत्तमाका १७ वटै वडाहरु, राजमार्ग क्षेत्र, कृषिभूमि र खाली जमिन, औद्योगिक क्षेत्र, वनजंगल, १६–३६ कुलो क्षेत्र, सार्वजनिक स्थल, विद्यालय, स्वास्थ्यचौकी, नगरपालिका सीमाना लगायतको क्षेत्रको अनुगमन गरेको बताएको छ ।
अनुगमनका क्रममा केही स्थानमा छिटफुट प्लाष्टिक बाहेक सबैक्षेत्र सामान्य देखिएको टोलीका संयोजक त्रिभुवन विश्व विद्यालयका प्राध्यापक डा. इशान गौतमले बताउनु भयो । तिलोत्तमालाई शुन्य पालिथिन नगर बनाउने अभियानमा नगरपालिकाका १७ वटा वडाका १सय ८९ वटा टोल कमिटी परिचालन गरिएकाछन् । नगर प्रमुख घिमिरेले शुन्य पोलिथिन नगरलाई अव व्यवहारमै कार्यान्वयन गरेर देखाउने बताउंदै पोलिथिनजन्य फोहोर खुला स्थानमा फ्याँक्नेसंग जरिवाना असुल्ने र असुल भएको रकम टोलकै सुधारमा लगाईने बताउनु भयो ।
बुटवलबाट १६–३६ नहर हुँदै बगेर आउने पोलिथिनजन्य फोहरले तिलोत्तमा नगरपालिकालाई चुनौती दिने गरेको बताउंदै नगर प्रमुख घिमीरेले अव बुटवलले पनि शुन्य पोलिथिन अभियान चलाउने आफूले विश्वास लिएको बताउनु भयो । एक दशक अगाडी नै बुटवललाई शुन्य पोलिथिन युक्त नगर घोषणा गरिएपनि त्यसको कार्यान्वयन भने हुन सकेको छैन ।