काठमाडौं, २५ माघ ।  सिन्धुपाल्चोकको तिपेनी प्रहरी चौकीमा गएराति अज्ञात समूहले आक्रमण गरेको छ ।  समूहले अन्धाधुन्ध आक्रमण गर्दा चौकीका इञ्चार्जसहित दुई प्रहरी घाइते भएका छन् । गएराती १ बजेको समयमा १०–१२ वटा मोटरसाइकलमा आएका समूहले एक्कासी प्रहरी चौकीमा ढुङगामुडा गरेको थिए ।

अज्ञात समुहको आक्रमणबाट चौकीका इञ्चार्ज असइ सन्तोषकुमार झा र प्रहरी हवल्दार हरिबहादुर मगर घाइते भएको जिल्ला प्रहरी कार्यालयका प्रहरी निरीक्षक रामचन्द्र घिमीरेले जानकारी दिए । प्रहरीले आत्मरक्षाको लागि चार राउण्ड हवाइ फायर गरेको थियो । आक्रमणमा संलग्नमध्ये एक जना र दुइ मोटरसाइकाल नियन्त्रणमा लिएको प्रहरी निरीक्षक घिमिरेले जानकारी दिनुभयो ।
घटनालगत्तै इलाका प्रहरी कार्यालयबाट प्रहरी निरीक्षकको कमाण्डमा थप प्रहरी टोली तिपेनीमा गएको छ भने जिल्ला प्रहरी प्रमुख एसपी प्रज्वल महर्जन पनि राती नै घटनास्थलमा पुग्नु भएको छ । प्रहरी चौकीमा किन आक्रमण गरियो भन्ने अहिलेसम्म थाहा हुन सकेको छैन ।