काठमाडौं, १३ मंसिर । कला संस्कृतिको संरक्षण, पहिचान र पर्यटनको प्रवद्र्धन गर्ने उदेश्यले संखुवासभाको चैनपुरमा लाखेनाच प्रतियोगितामा गरिएको छ । शनिबार देखी शुरु भएको १ नम्बर प्रदेशस्तरीय लाखेनाच प्रतियोगिता सोमबार सम्पन्न भएको हो ।नेवार समुदायमा प्रचलित साँस्कृतिक लाखेनाच लोप हुदै गइरहेको अवस्थामा यसको संरक्षण र सम्वद्धन गर्ने उदेश्यले १ नम्बर प्रदेश भित्रका सबै नेवार समुदायको सहभागीता होस भनेर नै प्रतियोगिताको आयोजना गरिएको रञ्जन श्रेष्ठले जानकारी दिए ।

जातीय पहिचानको रुपमा रहेको लाखेनाच लोप हुने क्रममा रहेको छ । नेवार समुदायका सरोकारवालाहरु यसको संरक्षण र सम्बद्धनमा एकजुट भएका छन् । अघिल्लो पुस्ताले संरक्षण नगर्ने हो भने पछिल्लो पुस्ताहरुमा लोप भएर जाने खतरा बढेको नेवार समुदायका अगुवाहरु बताउ“छन् । लाखेनाचको संरक्षण गर्नका लागि अघिल्लो बर्ष उदयपुर जिल्लामा प्रदेश स्तरीय नै लाखेनाचको आयोजना गरिएको थियो । जातीय संस्कृति जोगाउनुका लागि नै यो बर्ष चैनपुरमा आयोजना गरिएको र संस्कृति जगेर्नाका लागि तेह्रथुमबाट सहभागीता जनाउन चैनपुर आइपुगेको नेवाः देय दबु तेह्रथुमका जिल्ला अध्यक्ष शुभभगत प्रधानाङ्ग बताउछन् ।

लाखेनाच बच्चा देखी बुढाबुढी सम्म सबैले माया गर्ने गरेको संस्कृति हो । नेवार समुदायमा मात्रै नभएर अन्य समुदायले समेत अत्यन्तै रुचाउने गर्दछन् । त्यसैले विभिन्न ठाउ“हरुमा पर्यटकहरुलाई आकर्षित गर्न पर्व र महोत्सवहरुमा समेत लाखेनाच नचाउने गरिएको छ । नेपाल भ्रमण वर्ष सन् २०२० को पूर्व सन्ध्यामा आयोजना गरिएको यस्तो कार्यक्रमले यस क्षेत्रको मात्रै नभएर समग्र संखुवासभाको पर्यटन विकासमा एउटा इटा थप्ने सरोकारवालाहरुको भनाइ छ ।