काठमाडौं, ११ मंसिर । बिद्युत प्राधिकरणले प्रतिव्यक्ति विद्युत खपतको बढाउनुको साथै अन्तराष्ट्रिय बजारीकरण प्रवद्र्धन गरेर उर्जाको खपत बढाउने रणनिति योजना ल्याउन थालेको छ । बिद्युतको लोड बढाएर विद्युत खपत बढाउन घरघरमा विद्युतीय चुलो, बिद्युयित सवारीसाधन, चार्जिङ स्टेसन तथा उद्योग क्षेत्रमा बिद्युत खपत बढाउने योजना अघि सारेको हो ।

दुई वर्ष अघि बिद्युत उत्पादन नहुदा लोडसेढिङको समस्या थियो । अब भने बिद्युत खपत कसरी बढाउने भन्ने चिन्ताको बिषय बन्न थालेको छ । राष्ट्रिय गौरवको आयोजना अपर तामाकोशी, कुलेखानी लगायत साना हाइड्रोपावर कम्पनीबाट समेत केन्द्रिय प्रसारण लँइनमा विद्युत थपिएपछि नेपाल विद्युत प्रधिकरणले विद्युतको खपत बढाउने रणनीतिक योजना अगाडि सारेको छ । बिभिन्न जलविद्युत आयोजनाहरुको निर्माण सम्पन्न भई करिब एक हजार मेगावाट विद्युत राष्ट्रिय प्रसारण प्रणालीमा थपिने भएपछि प्राधिकरणले बिद्युत खपत बढाउनका लागि बिभिन्न योजना घोषणा समेत गर्दै छ ।

प्राधिकरणले बिद्युत खपत बढाउन घरघरमा विद्युतीय चुलो बिद्युतिय सवारीसाधनको लागि चार्जिङ स्टेसन तथा उद्योग ब्यवसायमा बिद्युत खपत बढाउने तयारीमा जुटेको छ । प्राधिकरणले उपभोक्ताकोमा विद्युत् पु¥याउन ५० देखि ५ सय केभीएका वितरण ट्रान्सफर्मर प्रयोग गर्दै आएको छ । प्राधिकरणले तीन वर्षमा नयां निर्माण तथा स्तरोन्नति गरी ७ सय ६५ एमभीए क्षमताका वितरण सवस्टेसनहरु प्रणालीमा थप्ने काम सुरु समेत गरिसकेको छ । बिद्युतको खपतको लागि अब बढीभन्दा बढी मिटर वितरण गर्ने, थ्रि फेज मिटरको प्रयोगलाई प्रोत्साहन र उद्योगलाई विद्यत् आपूर्ति दिन सहजीकरणका प्राधिकरणको जोड छ ।

यस्तै, प्राधिकरणले नेपालको विद्युतलाई सकेसम्म नेपालमै खपत गराउन र अन्तरष्ट्रिय बजारमा निर्यातका लागि समेत भारत र बंगलादेशसंग सम्झौता गरिसकेको छ । प्राधिकरणले प्रसारण लाइन निर्माण, अन्तरसञ्जाल विस्तार, अन्तराष्ट्रिय बजारीकरण प्रवद्र्धनम जोड दिएर आफनो काम अगाडी बढाएको हो । नेपाललाई विद्युतको आन्तरिक बजार र क्षेत्रीय बजारको ठूलो हिस्सा हुन सक्छ । पछिल्लो समय बिद्युत उत्पादनको तिब्र गति, अहिले धमाधम आयोजनाको काम सकिरहेको अवस्थाले अब बिद्युत प्रर्याप्त हुने देखिएको छ । यस्तै सरकारले ल्याएको ५ वर्षमा ५ हजार मेगावाटको लक्ष्य समेत रहेकाले विद्युत उत्पादन धेरै हुने देखिएको छ । त्यसैले नेपालले विद्युत आन्तरिकरूपमा खपतको साथै अन्तर्राष्ट्रिय बजारीकरणलाई तयारीमा समेत जुट्नु आवश्यक छ ।