वीरगंज, ३ असार ।  सशस्त्र प्रहरीको भन्सार राजश्व गस्ती टोलीले चोरी पैठारी गरी नेपाल भित्रयाउदै गरेको ५ लाख रुपैया भन्दा बढीको अवैध लत्ता कपडा लगायतका सामानहरु पक्राउ गरेको छ । सशस्त्र प्रहरी राजश्व तथा भन्सार गस्ती सुरक्षा गुल्म बीरगंजले अबैध रुपमा भन्सार छलेर भित्रयाउदै गरेको ५ लाख १ हजार ५ सय रुपैया बराबरको सामान नियन्त्रणमा लिएको हो ।

सशस्त्र प्रहरीको भन्सार राजश्व गस्ती टोलीले अबैध रुपले चोरी पैठारी गरी भारतबाट बीरगंज तर्फ ल्याउदैै गरेको अवस्थामा बीरगंज माहानगरपालिका १६ स्थित रजत जयन्ती चौकबाट पक्राउ गरेको भन्सार राजश्व गस्तीका प्रमुख सशस्त्र प्रहरी नायव उपरिक्षक तिलक खडकाले बताउनुभयो ।

भन्सार राजश्व गस्ती टोलीले नियन्त्रणमा लिएको अबैध चोरी पैठारीका सामानहरुमा साडी, कुर्ता शुरुवाल, मोटर पार्टस, हार्डवेयर, र कम्पयुटर पार्टस लगायतका सामानहरु रहेको सप्रनाउ खडकाले बताए । त्यसैगरी बीरगंज १७ अलौ स्थित रहेको एकिकृत चेकजाच चौकी आईसिपी अगाडीबाट सशस्त्र प्रहरीको भन्सार राजश्व गस्ती टोलीको मातहतमा रहेको सशस्त्र प्रहरीे टोलीले वेवारिसे अवस्थामा रोकी राखेको भारतिय ट्रक विआर ३८ टि १५५५ नम्बरको भारतिय ट्रक नियन्त्रणमा लिएको छ ।

राजश्व गस्ती टोलीले नियन्त्रणमा लिएको अबैध चोरी पैठारीको ५ लाख १ हजार ५ सय रुपैया बराबरको सामान र ट्रकको २२ लाख मुल्याङकन गरी कुल २७ लाख १ हजार ५ सय बराबरको आवश्यक कारवाहीका लागी आजै बीरगंज भन्सार कार्यालयमा बुझाईएको खडकाले बताउनुभयो ।