एनआरएनएको आठौं ग्लोबल सम्मेलनको सन्दर्भमा एनआरएनबारे १० दिने विशेष बहस एबीसी टेलिभिजनमा प्रशारण भयो । अमेरिका निवासी पत्रकार किशोर पन्थी र कार्यक्रम प्रस्तोता सुनिता शर्माले विशेष बहस संचालन गर्नुभएको थियो । नेपाली टेलिभिजनकै इतिहासमा पहिलो पटक लगातार १० दिनसम्म विशेष बहस लाइभ प्रशारण गरिएको हो । कार्यक्रम टक अफ द टाउनको एनआरएन विशेषका रुपमा कार्यक्रम संचालन गरिएको थियो । यो ऐतिहासिक कार्यक्रमको प्रायोजन ल अफिस अफ केशवराज सेडाई न्युयोर्क, क्षेत्री एण्ड एसोसिएट्स पीसी न्युयोर्क, सातदोबाटो नजिक अत्याधुनिक अपार्टमेन्टहरु निर्माण गरेको क्लासिक डेभलपर्स र बेष्ट फाइनान्स प्राइभेट लिमिटेडले गरेका थिए भने मिडिया पार्टनरका रुपमा कारोबार दैनिक र खसोखास साप्ताहिकले सहयोग गरेका थिए ।

कार्यक्रमको पहिलो दिन एनआरएनए र नेपालका राजनीतिक दलबीचको सम्बन्धबारे नेपाली काँग्रेस सम्बद्ध जनसम्पर्क समिति अमेरिकाका सभापति आनन्द बिष्टसँगको बहस लाइभ प्रशारण भयो ।

कार्यक्रमको दोश्रो दिन एनआरएनए आईसीसीका तीन उपाध्यक्ष उम्मेदवारहरु कुमार पन्त, कुल आचार्य र सोनाम लामासँगको बहस प्रशारण गरियो । जसमा कुल आचार्य र कुमार पन्त निर्वाचित भए ।

कार्यक्रमको तेश्रो दिन एनआरएनए आईसीसीका संथापकहरु तथा पूर्व अध्यक्ष जीवा लामिछाने र उपेन्द्र महतोसँगको बहस प्रशारण गरियो ।

कार्यक्रमको चौथो दिन एनआरएनए आईसीसीका संथापक रामप्रताप थापा र चर्चित एनआरएन अभियन्ता लोकतिवारीसँगको बहस प्रशारण गरियो । एनआरएन डे को अवशरमा प्रशारित यो बशस विशेष थियो ।

कार्यक्रमको पाँचौं र छैठौं दिन दिन एनआरएन अभियन्ता तथा उपाध्यक्ष र अमेरिका क्षेत्रका लागि क्षेत्रीय संयोजक उम्मेदवारहरु खगेन्द्र जीसी र श्री पराजुलीसँगको बहस प्रशारण गरियो ।

कार्यक्रमको सातौं दिन एनआरएनए सम्मेलनको उद्घाटन भयो । यो अवशरमा अध्यक्षका उम्मेदवारहरु भवन भट्ट र टीबी कार्की लगायतको कुराकानी प्रशारण गरियो ।

कार्यक्रमको आठौं दिन एनआरएनए अभियन्ताहरु विश्व शाह र संजय थापासँगको कुराकानी प्रशारण गरियो । उनीहरुले एनआरएनए सम्मेलनमा देखिएको कमजोरी लगायतका विषयमा समेत अनभुव राखे ।

कार्यक्रमको नवौं दिन एनआरएन अभियन्ताहरु प्रेमकुमार श्रेष्ठ र शिवकुमार राईसँगको कुराकानी प्रशारण गरियो ।

कार्यक्रमको दशौं दिन १० दिनसम्मको कार्यक्रमको समिक्षाका साथै पूर्व अध्यक्षहरु उपेन्द्र महतो, जिवा लामिछाने, वर्तमान नवनिर्वाचितअध्यक्ष भवन भट्ट र नवनिर्वाचित उपाध्यक्षहरु कुमार पन्त र कुल आचार्यको भनाईसँगै कार्यक्रमको समापन गरियो ।