तलव बृद्धि राष्ट्रसेवक कर्मचारीको मात्रै हो : अर्थमन्त्री खतिवडा (भिडियोसहित)

बजेट भाषण पछिको पहिलो अन्तर्वार्ता



काठमाडौं, १९ जेठ । अर्थमन्त्री डा. युवराज खतिवडाले बजेटमार्फत राष्ट्रसेवक कर्मचारीको मात्रै तलव बृद्धि भएको प्रष्ट पार्नुभएको छ । कर्मचारीसँगै संबैधानिक निकाय र जनप्रतिनिधिको समेत तलव भत्ता बृद्धि भएको समाचार आएपछि अर्थमन्त्री खतिवडाले  एवीसी न्यूजका लागि अध्यक्ष तथा प्रधानसम्पादक शुभशंकर कंडेलसंगको विषेश कार्यक्रम आउटलुकमा बताउनुभएको हो ।

‘राष्ट्रसेवक कर्मचारी, शिक्षक, प्राद्यापक र सुरक्षा निकायका कर्मचारीको तलव बढाइएको हो, अन्य निकायको होइन, जनप्रतिनिधि, अन्य अंगको तलव बढाइएको होइन, त्यो भ्रम नरहोस,’ एवीसी टेलिभिजनले आयोजना गरेको बजेटबारे बिषेश कार्यक्रम अर्थमन्त्री खतिवडाले भन्नुभयो । यसअघि सञ्चार माध्यमहरुमा अर्थ मन्त्रालयकै केही अधिकारीहरुले राष्ट्रसेवक कर्मचारीसँगै स्थानीय तह, प्रदेश, संघीय संसददेखि राष्ट्रपतिसम्मको तलव बढेको सूचना दिएका थिए । यस बिषयमा ठुलै भ्रम परेको भन्दै अर्थमन्त्री खतिवडाले तलव जनप्रतिनिधिको नबढाइएको प्रष्ट पार्नुभएको हो ।

‘अन्य निकायको तलव बजेटमार्फत बढाउने होइन, क्याविनेटले छुट्टै निर्णय गर्नुपर्छ, त्यसकारण जनप्रतिनिधिमुलक संस्थाहरुको र सो संस्थामा रहेका बिशिष्ट माहानुभावहरुको तलव बढेको होइन, छैन,’ अर्थमन्त्री खतिवडाले भन्नुभयो । अर्थमन्त्री खतिवडाले बजेटमा स्थानीय तह र प्रदेशमैत्री भएको पनि प्रष्ट पार्नुभयो ।

 

 

    Comment Here!


सम्बन्धित समाचार

View All