काठमाडौं,२५ चैत । नेपाल थामी विद्यार्थी संघ दोलखाको प्रथम सम्मेलन तथा अधिवेशन सम्पन्न भएको छ । दोलखा जिल्लामा आयोजित यस प्रथम सम्मेलनबाट जानकी थामीको अध्यक्षतामा १७ सदस्यीय कार्य समितीको गठन भएको छ ।

सम्मेलन लगत्तै नवगठित कार्य समितीले पत्रकार सम्मेलन गरेर संस्थाको विभिन्न लक्ष्य, उद्येश्य र एजेण्डा बारे प्रष्ट पारेको छ । थामी विद्यार्थीहरुको हकअधिकारलाई सुनिश्चित गर्ने विषयमा साझा रुपमा अगाडी बढ्ने उद्येश्य थामी विद्यार्थी संघको रहेको अध्यक्ष जानकी थामीले बताउनु भएको छ ।

नेपाल आदिबासी जनजाति विद्यार्थी महासंघले माग गर्दै आएका विभिन्न विषयहरु जस्तै त्रिभाषिक शिक्षा निति, स्ववियु पूर्ण समावेशी र समानुपातिक प्रणाली लागु गरिनुपर्ने अध्यक्ष थामीले बताउँनु भयो ।

कार्यक्रममा भिमेश्वर नगरपालिका, कालिन्चोक गाउपालिका, विगु गाउपालिका लगायत विभिन्न क्षेत्रका थामी विद्यार्थी तथा कलाकारहरुको प्रतिभाहरुको पनि बेजोड प्रस्तुती रहेको थियो ।

कार्यक्रममा नेपाल थामी समाज केन्द्रिय अध्यक्ष सुखवीर थामी, केन्द्रिय महासचिव लक्ष्मण थामी, नेपाल आदिवासी जनजाति विद्यार्थी महासंघ त्रिभुवन विश्वविद्यालयका समन्वय समितीका अध्यक्ष अशोक राई, नेपाल थामी विद्यार्थी संघका केन्द्रिय अध्यक्ष सपना थामी लगायत विभिन्न जिल्लाका थामी नेताद्धयहरुको सहभागिता रहेको थियो ।