काठमाडौं , ४ फागुन । हाल अनन्तलिङ्गेश्वर नगरपालिका–२, बालकोट, भक्तपुरका स्थायी वासिन्दा रहेका ओली २००८ साल फागुन ११ गते शनिबारका दिन इवा–२ तेह्रथुममा जन्मिनुभएको थियो । पहाडबाट तराईमा गएपछि सुख हुने अभिलाषा बोकेर ओली परिवार पछि रणामती–६, झापामा बसाइँ सरेको थियो ।

पिता मोहनप्रसाद ओली र आमा मधु ओलीको कोखबाट जन्मनुभएका ओलीले डेढ वर्ष उमेरमै आमाको काख गुमाउन पुग्नुभएको थियो । किसान परिवार र आमाको वात्सल्यसमेत गुम्न पुगेकाले बाल्यकालमा आमाको अभाव भएको प्रधानमन्त्री ओलीले बताउनुभयो ।

सुखको खोजीमा तेह्रथुमबाट झापा बसाई सरेका प्रधानमन्त्री केपी शर्मा ओलीको परिवार वस्दै गरेको जग्गा जमिन बाढिले लगेपछि उहाँको परिवार झण्डै सुकुम्वासी बनेको थियो । प्रधानमन्त्री ओलीले भन्नुभयो सुखको खोजीमा तराई झरेको झण्डै सुकुम्वासी बन्नुपरेको थियो ।
उक्तकुरा प्रधानमन्त्री ओलीले एवीसी न्यूजका लागि अध्यक्ष तथा प्रधानसम्पादक शुभशंकर कंडेलसंगको विषेश कार्यक्रम आउटलुकमा बताउनुभएको हो ।

झुट्टा मुद्धामा लामो समय जेलनेल विताउनुभएका नेता ओलीको राजनीतिक यात्रा झापाबाटै शुरु भएको हो । चर्चित झापा विद्रोहका एक मुख्य पात्र केपी ओली उक्त विद्रोहकालीन एक मात्र जीवित नेता हुनुहुन्छ ।

प्रधानमन्त्री ओलीसंगको विशेष अन्तर्वार्ता आज राती ९ बजे र ओलीको जीवन संघर्षसम्वन्धी रोचक र  एस्क्लुसिभ  एबीसीमा प्रसारण हुनेछ ।