बुटवल, १ फागुन ।
नेपाल कम्युनिष्ट पार्टी नेकपाका प्रदेश नम्बर ५ का ईन्चार्ज तथा प्रदेश सरकारका मुख्यमन्त्री शंकर पोखरेलले नेपाल कम्युनिष्ट पार्टी अतित मुखी नभएर भबिश्य मुखी भएर चल्ने बताउनु भएको छ ।
नेकपाको प्रदेश नम्बर ५ कमिटीले आज बुटवलमा आयोजना गरेको जनयुद्ध तथा जन आन्दोलनका शहिदहरुको श्रद्धान्जली कार्यक्रममा बोल्दै मुख्यमन्त्री पोखरेलले ईतिहासको समिक्षाहरुलाई बोकेर बहस गर्नुको अर्थ नभएको बताउनुभयो । उहांले जनयुद्धका क्रममा घाईते भएका, अपाङ्ग भएका र बेपत्ता भएकाहरु प्रतिको दायित्व पूर्व माओबादीको मात्र नभएको बताउंदै अव ती सबैको दायित्व नेकपा र नेकपाले नृतृत्व गरेको सरकारको भएको बताउनुभयो ।
कार्यक्रममा बोल्दै पार्टीका ५ नम्बर कमिटीका अध्यक्ष ओनसरी घर्तीले नेकपाको एकतालाई कमजोर बनाउन देशभित्र र बाहिरबाट प्रयास भई रहेको भन्दै जति सके छिटो भावनात्मक एकताले मात्र कम्युनिष्ट पार्टीको लक्ष हासिल गर्न सकिने बताउनुभयो ।
नेकपाका केन्द्रिय सदस्य बामदेव क्षेत्रीले सरकार र पार्टीले जनयुद्धका घाईते, बेपत्ता र अपाङ्गहरु प्रति बेवास्ता गरिरहेको भन्दै सरकार र पार्टीले तीनीहरुको जिम्मा लिनु पर्ने बताउनुभयो ।
कार्यक्रममा ५ नम्बर प्रदेश कमिटीका अगुवा कार्यकर्ता सहित रुपन्देहीका नेकपा कार्यकर्ताहरुको उपस्थिती रहेको थियो ।
प्रतिक्रिया दिनुहोस्