धनकुटा,२२ माघ । नेपाली कांग्रेसका नेता कृष्णप्रसाद सिटौलाले सरकार बहुमतको दम्भमा तानाशाही बाटोमा हिड्न थालेको आरोप लगाएका छन । पार्टी सुदृढिकरण अभियानका क्रममा धनकुटा आएका नेता सिटौलाले मंगलबार पत्रकार तथा कार्यकर्ता भेटघाटका क्रममा उक्त कुरा बताएका हुन ।
सरकारको एक वर्षे कार्यकालको मुल्यांकन गर्दा लोकतान्त्रिक चरित्रमा अघि नबढेकोले खबरदारी गर्नुपर्ने परिस्थिति बनेको उनको तर्क थियो ।
पार्टीका पूर्व महामन्त्री समेत रहेका सिटौलाले कांग्रेस कमजोर हुदा सरकार अलोकतान्त्रिक हुन थालेको बताए ।
सरकारले धमाधम जनहित विपरित निर्णयहरु गर्दै आएकाले सरकारलाई लोकतान्त्रिक मार्ग ल्याउन कांग्रेस सडकमा आएको बताए । पाटीमा गुट उपगुटको अन्त्य गर्दै नया ढंगले संगठित हुन आवाश्यक रहेको त्यसका लागी पार्टीमा समान अवसर र समान सहभागी क्षमताको आधारमा जिम्मेवारी सवैलाई दिनु पर्नेमा आवश्यक रहेको बताए।
नेता सिटौलाले मुलुक र यूवाहरुको भविष्यका लागी कांग्रेसलाई सुर्धान अव यूवाहरुले जिम्मेवारी दिनु पर्नेमा जोड दिदै त्यसका लागी यूवाहरुले हस्तक्षेपकारी भूमिकासाथ नेतृत्वमा आउनुपर्ने बताए।
पूर्व उपप्रधानमन्त्री समेत रहेका सिटौलाले सरकारले महाअभियोगको डण्डा देखाएर संवैधानिक अंगमा प्रतिपक्षलाई वेवास्था गरेर हस्तक्षेपकारी भुमिका निभाएको आरोप लगाए।
बोल्ने क्रममा अधिकांश समय सरकारको विरोधमा खर्चेका सिटौलाले सरकारले दृष्टि गुमाएकोले दृष्टि फर्काउन कांग्रेसको प्रयास रहेको उल्लेख गरेका छन । प्रमुख प्रतिपक्षको हैसियतले सरकारलाई सचेत गराउन आफ्नो पार्टी अघि सरेको भन्दै उनले सरकार सच्चिएर जान जरुरी रहेको तर्क राखे।
‘
हामीले सरकारको दृष्टि फर्काउन खबरदारी गरेका हौं’, उनले भने, ‘सरकार दुई तिहाइको दम्भ नदेखाई लोकतान्त्रिक चरित्रमा हिँड्नु पर्छ।’ यसैबिच फरक प्रसंगमा सिटौलाले कांग्रेस पार्टीको मुहान धमिलो भएकोले सङ्लो बनाउने अभियानमा आफू जिल्ला भ्रमणमा निस्किएको बताए। सिटौला मुलुकभरका ५९ जिल्लाको भ्रमणका क्रममा धनकुटा आइपुगेका हुन।
प्रतिक्रिया दिनुहोस्