काठमाडौं, २५ पुुस ।प्रधानमन्त्री केपी शर्मा ओलीले प्रतिनिधिसभा बैठकमा प्रस्तुत गरेको आर्थिक सुचाङको प्रगतीबारेमा धेरै टिप्पणी भए ।

विभिन्न संचार माध्यममा प्रधानमन्त्रीले झुटो तथ्यांक प्रस्तुत गरेको समाचारहरु सार्वजनिक भए । तर, अर्थमन्त्री डाक्टर युवराज खतिवडाले भने प्रधानमन्त्रीले प्रस्तुत गरेको तथ्यांक सतप्रतिशत सत्य भएको दाबी गरेका छन् । प्रधानमन्त्रीले चालु आर्थिक वर्षको ५ महिनाको तथ्याङ प्रस्तुत गरे पनि आलोचकहरुले ४ महिनाको तथ्याङसंग मात्र तुलाना गरेको खतिवडाले स्पष्ट पारेका छन् ।

प्रधानमन्त्री केपी शर्माले गत पुस २२ गते प्रतिनिधिसभामा दिएको तथ्याङकीय प्रगतिको बारेमा सञ्चार माध्यमा आएको टिप्पणी गलत भएको अर्थ मन्त्रालयले जनाएको छ । अर्थमन्त्री डाक्टर युवराज खतिवडाले सरकारले सार्वजनिक गरेको तथ्याङ्क शत प्रतिशत सही भएको दाबी गरेका छन् । एबीसी टेलिभिजनको बिशेष आउटलुक कार्यक्रम अर्थमन्त्री खतिवडाले प्रधानमन्त्रीले ओलीले सरकारसंग भएको चालु आर्थिक वर्षको पाच महिनाकोे तथ्याङ्क प्रस्तुत गरेको बताए ।

उनले सार्वजनिक सञ्चार माध्यममा तथ्याङ्कलाई मिथ्याङ्क भनेर प्रचार गरिएकोमा गुनासो गर्दै पाँच महिनाको तथ्याङ्क सार्वजनिक रुपमा आउने बित्तिकै सबै खुलस्त हुने बताए ।

यस्तै अर्थमन्त्री खतिवडाले सरकारले कति महिनाको तथ्याङ्क प्रस्तुत गर्यो भन्ने विषयलाई समेत आलोचकहरुले विश्लेषण नगरेको दाबी गरे । सरकारी तथ्यांकलाई गलत देखाउन खोज्नेहरु आफै गलत भएको उनले टिप्पणी गरे ।

अर्थमन्त्री खतिवडाले प्रधानमन्त्रीले व्यापार घाटा बढेको भन्दै चिन्ता व्यक्त गरे पनि व्यापार घाटा औद्योगिक बस्तु, पुंजीगत सामान, बिकास निमार्णका साम्रगी जस्ता बस्तुको आयातले बढाएको बताए ।

मन्त्री खतिवडाले बर्तमान सरकारले आर्थिक वर्षको ६ महिनामा राजस्वतर्फ गरेको बृद्धिलाई उल्लेख्य रुपमा लिएको बतँएका छन । यस्तै व्यापार घाटा बढेको भनिएता पनि सरकारले आयात ब्यवस्थापनमा ध्यान दिएकै कारण राजस्वमा समेत बृद्धि भएको उनको भनाइ छ । मुलुकको समग्र अर्थतन्त्र सही ट्रयाकमै अघि बढिरहेको भन्दै अर्थमन्त्री खतिवडाले दुई तिहाइ सरकार गठन भएको १० महिना महिनामा बिगतको भन्दा राम्रो आर्थिक तथ्यांक आए पनि आलोचकहरुको कमजोर विश्लेषणका कारण गलत प्रचारले भएको अर्थमन्त्रीको दाबी छ ।