इतिहासमै बालियो सरकार भए पनि जनादेश अनुरुप काम गर्न सकेन – वरिष्ठ नेता रामचन्द्र पौडेल



काठमाडौं, १४ पुस ।  नेपाली कांग्रेस महासमितिको बैठक केही दिन अघि मात्रै सम्पन्न भएको छ । कांग्रेस वरिष्ठ नेता रामचन्द्र पौडेलले महासमिति बैठकबाट पार्टीमा एकताको भाव बढेको दाबी गरेका छन् । पौडेलले वर्तमान सरकार विना योजना र प्रतिवद्धता अघि बढेकोले असफल हुने पनि टिप्पणी छन् ।

नेपाली राजनीतिक इतिहासमा सबैभन्दा शक्तिशाली र सबैभन्दा धेरै समय शासनसत्ता सम्हालेको पार्टी नेपाली कांग्रेस हो । इतिहासमा दर्विलो प्रस्तुती कायम गरेको कांग्रेस अहिले संघीय संसदमा भने सानो दलको प्रमुख प्रतिपक्षी हैसियतमा सीमित छ । पार्टीभित्रका गुट उपगुट र व्यक्तिवादी कार्यशैलीकै कारण कांग्रेसले हार व्यहोर्नु परेको हो ।

तर, भर्खरै सम्पन्न महासमिति बैठकमा कांग्रेसले आफ्नो निर्मम समीक्षा गर्न सकेन । बरु, गुटहरुबीचको विवादले मारामुंग्रीकै अवस्था समेत निम्त्यायो । तर, अन्त्यमा केन्द्रीय पदाधिकारीमा भागवण्डा मिलाउंदै अस्थायी युद्धविराम भयो । कांग्रेस वरिष्ठ नेता रामचन्द्र पौडेलले महसमिति बैठकले एकताको सन्देश दिएको दाबी गरेका छन् । एबीसी न्यूजको शनिवार राति प्रसारण हुने आउटलुक कार्यक्रममा शुभशंकर कंडेलसंग कुरा गर्दै नेता पौडेलले महासमिति बैठकले पार्टीलाई अघि बढाउन बाटो खोलेको बताए ।

पौडेलले वर्तमान सरकारको कार्यशैली विरुद्ध पनि जमेरै कुरा गरे । पौडेलले योजनावद्ध तरिकाले विकास र समृद्धिको बाटोमा जानुपर्नेमा सरकार हावादारी गफमै सीमित भएको टिप्पणी गरे । नेपालको ईतिहासमै बालियो सरकार भए पनि जनादेश अनुरुप काम गर्न नसकेको नेता पौडेले आरोप लगाए ।

कांग्रेस वरिष्ठ नेता पौडेलले नेपाल धेरै सम्भावना भएको मुलुक भएकाले उर्जा क्षेत्रमा मात्र कमिशनको खेललाई रोकी राम्रो विकास गर्न सकेमा आर्थिक विकास गर्न सक्ने जिकिर गरे ।
सरकार सामाजिक सुरक्षा र सामाजिक न्यायमा गम्भीर हुन नसकेको आरोप लगाउदै उनले जनताको पक्षमा सरकारको ध्यान जानुपर्ने धारणा राखे ।

पहिले जमिन्दार र जमिन नभएको समुहको विभेद हुने गरेको स्मरण गर्दै नेता पौडेलले गुणस्तरीय शिक्षा र स्वाथ्यको पहुंच हुने र नहुने समुह बीचमा विभेद रहेको बताए । पौडेलले यो विभेदको अन्त्य गर्न सरकारलाई सुझाव पनि दिए । उनले नेपालको समृद्धि र विकासको लागि पार्टी र दलको सिद्धान्त भन्दा माथि उठेर सबैले समाज विकासमा योजनबद्ध लाग्नुपर्ने बताए ।

 

    Comment Here!


सम्बन्धित समाचार

View All