रौतहट,२२ असोज । भारतमा हालै सम्पन ईण्डो नेपाल कराते च्याम्पियनसिपमा नेपालले १५ वटा स्वर्ण पदक जित्दै प्रथम हुन सफल भएको छ भने रौतहटले मात्र ४ वटा स्वर्ण पदक हात पारेको छ ।

भारतको आगरामा यही अक्टुवर ६ र ७ भएको कराते च्याम्पियनशीपमा नेपालको प्रदेश २, ३ र ७ का २२ जना खेलाडीले प्रतियोगितामा सहभागिता जनाएका थिए । सम्पन्न उक्त प्रतियोगितामा रौतहटबाट सहभागी भएका ३ खेलाडीले ४ वटा स्वर्ण पदक हात पार्न सफल भएको टिमका प्रशिक्षक अशोक कुमार पहाडीले जानकारी दिएका छन् ।

रौतहटका दिर्घ लामाले एकल काता र कुमुतेमा गरि २ स्वर्णपदक हात पारेका छन् भने कुसल बस्नेत र राम सज्जन शर्माले क्रमश ४६ किलो र ६० किलो तौल समुहमा पहिलो हुँदै स्वणर््ा पदक हात पार्न सफल भएको प्रशिक्षक पहाडीले बताए ।

त्यसै गरी नेपालका लागि प्रदेस २ कि सन्ध्या लोहागुनले समेत स्वर्णपदक हात पारेकी छिन । नेपालका लागि प्रदेश ३ कि पुजा खनालले ६० किलो तौल समुहमा स्वर्णपदक, ६५ किलो तौल समुहमा प्रेम गुरुङले प्रथम स्थान, ६० किलो तौल समुहमा पुष्पराज खनाल, ५५ किलो तौल समुहमा अभिषेख बल, ५० किलो तौल समुहमा कुणाल साह, ४५ किलो तौल समुहमा अर्पण थापा मगर तथा ४० किलो तौल समुहमा अनुज बल प्रथम स्थान हासिल गर्दै स्वर्ण पदक हात पारेका छन् । प्रेम गुरुङले कातामा समेत स्वर्ण पदक हात पारेका छन् ।
प्रतियोगितामा नेपालका तर्फबाट सुरेन्द्र श्रेष्ठ ,चित्र पुलामी ,बिरेन्द्र कर्णले निर्णायकको भुमिका निर्वाह गरेका थिए ।