काठमाडौं, १७ असोज । खानेपानी मन्त्री बिना मगरले सरसफाइको विषयलाई राष्ट्रिय एजेण्डा बनाएर अघि बढ्ने बताउनुभएको छ ।
महात्मा गान्धीको १५० औं जन्मजयन्तीको अवसरमा भारतले आयोजना गरेको महात्मा गान्धी अन्तर्राष्ट्रिय स्वच्छता सम्मेलनमा भाग लिई बुधबार स्वदेश फर्कनुभएकी मन्त्री मगर त्रिभुवन विमानस्थलमा सञ्चारकर्मीसँग कुरा गर्दै जनताको जनजीवनलाइ परिवर्तन गरी सभ्य नागरिक बनाउनका लागि सरसफाईको विषयलाई राष्ट्रिय एजेण्डा बनाएर अघि बढ्ने बताउनुभएको हो ।
]तीव्र रुपमा बिकास हुँदै गएको शहरीकरणबाट हुने प्रदूषणलाई नियन्त्रण गर्न नयाँ कार्यदिशा बनाएर एउटा स्वरुप तयार गर्ने उहाँले बताउनुभयो । त्यस्तै, ढल व्यवस्थापनमा देखिएको समस्याबारे मन्त्रालय अवगत रहेको भन्दै यसलाई पनि उचित तवरले समाधान खोजिने धारणा राख्नुभयो । सम्मेलनका क्रममा विश्वमा नै सरसफाईको अभियानलाई तीव्र बनाउनेबारे सहमति भएको मन्त्री मगरको भनाई छ ।
सम्मेलनमा खानेपानी मन्त्री सहित खानेपानी तथा ढल निकास विभागका उपमहानिर्देशक सुनिलकुमार दास समेत सहभागी हुनुभएको थियो भने ८० देशका खानेपानी तथा सरसफाई मन्त्रीहरु सहभागी थियो ।
प्रतिक्रिया दिनुहोस्