काठमाडौँ, १७ असोज । काठमाडौंको गोठाटारबाट एक बालक अपहरणमा परेका छन् । आज बुधबार दिउँसो साढे २ बजेको आसपासमा अपहरणमा परेका हुन् ।

त्रिभुवन अन्तर्राष्ट्रिय विमानस्थल उत्तर–पूर्वको तेजविनायक चोकबाट ७÷८ वर्ष उमेरका बालक अपहरणमा परेको प्रहरीले जनाएको छ । कालो चेकसर्ट र हाफ प्यान्ट लगाएका बालकको नाम प्रहरीले सार्वजनिक गरेको छैन ।

उनलाई तेज विनायक स्कुल नजिकबाट तीन जनाको समूहले गाडीमा राखेर लगेको प्रहरीले जानकारी दिएको छ । बालकलाई लैजाने गाडी खैरो रङको भएको प्रहरीले बताएको छ ।

बच्चाको खोजीको लागि अपराध अनुसन्धान महाशाखा र महानगरीय प्रहरी परिसरको टोली काठमाडौं, ललितपुर र भक्तपुर जिल्लामा प्रहरी परिचालन गरेको छ । खोजीको लागि एसएसपी धिरज प्रताप सिंह नेतृत्वको टिम को टोलिले खोजि कार्यतिव्र पारेको छ ।

केही महिना अघि काठमाडौँ काँडाघारीका एक बाललको अपहरण गरि हत्या गरिएको थियो ।