जनकपुर , १६ असोज । जिल्ला प्रहरी कार्यालय, धनुषाले आफ्नी जेठानीको हत्या आरोपमा देवरानीसहित २ जनालाई पक्राउ गरेको छ ।
पक्राउ पर्नेमा हंसपुर नगरपालिका–८ कि देवरानी २४ वर्षीया विकाकुमारी मण्डल र सोही ठाउँ बस्ने २७ वर्षीया लालबाबु मण्डल छन् । दुवै जनाले अवैध सम्बन्ध लुकाउन धनुषाको हंसपुर नगरपालिका–८ कि २८ वर्षीया सञ्जुदेवी मण्डलको हत्या गरेको प्रहरीको दाबी छ ।
असोज ३ गते सञ्जु आफ्नै कोठामा मृत फेला परेपछि थप अनुसन्धान र पोस्टमार्टम रिपोर्ट गरेर हेर्दा हत्या भएको खुलेको थियो । पक्राउ परेका विका र लालबाबुले अवैध सम्बन्ध लुकाउन सञ्जुको हत्या गरेको वयान दिएको जिल्ला प्रहरी कार्यालय, धनुषाले जनाएको छ । विकाको श्रीमान् केही समयदेखि वैदेशिक रोजगारीमा छन् ।
प्रतिक्रिया दिनुहोस्