काठमाडौं,३१ भाद्र । बलिउडका अभिनेता गोविन्दाले केही समय अघि नेपालमा घर बनाएर बस्ने खबर सार्वजनिक भएको थियो। तीन दिने नेपाल भ्रमणका क्रममा शनिबार नेपाल आएका अभिनेता गोविन्दाले साँच्चै नेपालमा घर बनाउन लागेकै हुन ।

तर, बलिउड सुपरस्टार गोविन्दाले नेपालमा आफ्नो घर बनाउने कुरामा कुनै सत्यता नभएको बताए।

‘एलजी सिने सर्कल अवार्ड २०७५’मा सहभागी हुन काठमाडौं आएका उनले पत्रकारहरुको जिज्ञासामा यस्तो कुरा बताएका हुन्। पत्रकारको जिज्ञासामा गोविन्दले यस विषयको हल्ला नै कहाँबाट भएको भन्दै आश्चार्य मानेका छन।

नेपाली मिडियमा निकै समय भलाकुसारी गरेका गोविन्दाले नेपाली भाषा बुझ्ने र बोल्नलाई ‘अलि अलि आउछ’ भन्दै माहोललाई रमाइलो बनाएका थिए।

काठमाडौ ओर्लिएलगतै नेपाललाई साहस र प्रेमको धर्ती भन्दै आफूलाई माया गर्ने नेपालीलाई धन्यवाद दिएका गोबिन्दाको ३ दिने नेपाल बसाईको क्रममा प्रधानमन्त्री केपी शर्मा ओलीलाई भेट्ने र चन्दागिरी पुग्ने समेत योजना रहेको छ ।

यसैबीच, अभिनेता गोविन्दाले आज पशुपतिनाथको दर्शन गरेका छन्।

आइतबार राष्ट्रिय सभा गृहमा आयोजना हुने अवार्ड समारोहमा उनको प्रस्तुति रहने छ। लाइफटाइम अवार्डबाट सम्मानित हुन लागेका वरिष्ठ सिनेकर्मी किशोर रानालाई गोविन्दाले अवार्ड दिनेछन्।

पत्नी सुनिता अहुजा र छोरा यसवर्धन अहुजा शुक्रबार नै नेपाल आएका थिए। गोविन्दा नेपालका ज्वाँइ हुन्।