काठमाडौं,३० भाद्र । कञ्चनपुरमा ६ वर्षका दुईजना नाबालिकालाई बलात्कार गरेको आरोपमा ५७ वर्षका एकजना वृद्ध पक्राउ परेका छन् ।

बेल्डाँडी गाउँपालिका–२, ढकनियाका ६ वर्षीय २ जना बालिकालाई बलात्कार गरेको आरोपमा प्रहरीले सोही ठाउँका ५७ वर्षीय बृद्ध राजेन्द्र विष्टलाई पक्राउ गरेको हो । विष्टले विद्यालय जाने क्रममा बालिकालाई ललाइफकाई बलात्कार गर्ने गरेको पीडित बालिकाकी आमाले बताएकी छन ।

विस्तारै बालिकाले विद्यालय जान छोडेको र आफूले गाली गरेर पठाउँदा ५र६ वटा सुरुवाल लगाएर विद्यालय जाने गरेको उनले बताइन ।

‘स्कुलबाट आएपछि योनाङ्ग दुख्यो भन्दै रुन्थि’उनले भनिन् मैले सोचे ५र६ वटा सुरुवाल लगाएर जान्छे । त्यही भएर पाछ्यो होला ।’
‘

त्यसले स्कुल नजाने कारण कहिल्यै पनि मसँग भनिन्’,उनले भनिन्’ ‘मलाई पनि त्यतातिर ध्यान गएन ।’ उनका अनुसार ती बालिकामाथि भएको यौन दुव्र्यवहार र बलात्कार गरेको बालिकासँगै जाने साथिले देखेकी रहिछिन् ।

विष्टले बालिका विद्यालयबाट फर्किदा पसलमा कुरेर बस्ने र चाउचाउ, बिस्कुट दिएर बलात्कार गर्ने गरेको उनले बताइनन् ।

छोरीमाथि भएको बलात्कारको बारेमा शुक्रबार मात्र थाहा पाएको पीडतकी आमाले बताइनन् । पीडित परिवारले घटनाबारे थाहा पाएपछि विष्ट विरुद्ध शनिबार इलाका प्रहरी कार्यालय बेल्डाँडीमा उजुरी दिएका थिए ।शनिबार बिहान इलाका प्रहरी कार्यालयमा उजुरी दिएपछि प्रहरीले त्यसलाई पक्राउ गरेको छ ।’

प्रहरीले नाबालिकालाई बलात्कार गर्ने राजेन्द्र विष्टलाई पक्राउ गरेको छ । उनी अहिले जिल्ला प्रहरी कार्यालयको हिरासतमा छन् ।

विष्टलाई पक्राउ गरी हिरासतमा राखेर आवश्यक कानुनी प्रक्रिया सुरु गरिएको जिल्ला प्रहरी कार्यालय कञ्चनपुरका प्रवक्ता तथा डीएसपी कृष्णराज ओझाले बताएका छन