काठमाडौं,२९ भाद्र । विहिबारबाट काठमाडौंदेखि भारतको पटना बोधगयासम्मका लागि सिधा बस यातायात सञ्चालनमा आएको छ ।

नेपाल भारतमैत्री बससेवाको भौतिक पूर्वाधार तथा यातायात मन्त्री रघुवीर महाशेठ र नेपालका लागि भारतीय राजदुत मन्जिवसिंह पुरीले संयुक्त रुपमा उद्घाटन गरेका हुन् ।

राजधानी काठमाडौदेखि भारतको बिहार राज्यका मोतिहारी, मुजफरपुर, पटना, बोधगयाका लागि बिहार राज्य पथपरिवहन निगम र स्वयम्भू मञ्जुश्री यातायात प्रालिको सहकार्यमा काठमाडौंदेखि पटना बोधगयासम्म बस सेवा सञ्चालनमा ल्याइएको हो ।

सन् २०१४ देखि काठमाडौ दिल्ली बनारसम्म दैनिक बस सेवा सञ्चालन गर्दै आएको छ । आफ्नो निर्धारित लक्ष्य अनुरुप यो वर्ष उल्लेखित रुटहरमा बस सेवा सञ्चालन गरेको संस्थाको उपाध्यक्ष छिरिङ शेर्पाले जानकारी दिनुभयो ।

काठमाडौं पटना बोधगय पुग्न १६-१६ घण्टामा पुगिने छ भने भाडा दर २ हजार राखिएको छ । यात्रुहरुले टिकटका लागि काठमाडौंको स्वयम्भु मञ्जुश्री यातायातको कार्यलय र बौद्धबाट टिकट काट्न सकिने बताइएको छ । बस सेवा सञ्चालनमा आएसंगै यात्रुहरुले सेवा र दुवै मुलुकको धार्मिक पर्यटनमा विशेष सहयोग पुग्ने आशा लिइएको बताइएको छ ।