काठमाडौं,२० भाद्र । नेपाल कम्युनिष्ट पार्टीका अध्यक्ष पुष्पकमल दाहाल प्रचण्ड र पधाननमन्त्री केपी शर्मा ओलीबीच भेटवार्ता भएको छ । पार्टीका तल्लो तह एकीकरण तथा सरकारका विषयमा अध्यक्षद्धयबीच भेटवार्ता भएको हो ।
सरकारको कामकारबाही विषयमा आलोचना बढेपछि मन्त्री हेरफेरकाबारेमा समेत दुई अध्यक्षबीच छलफल भएको प्रधानमन्त्री निकट स्रोतले जानकारी दिएको छ । दुई अध्यक्षबीच मंगलबार पनि छलफल भएको थियो।
प्रचण्डले मंगलबार पत्रकारहरूसँग सरकार र मन्त्रीहरूका विषयमा अध्यक्ष प्रचण्ड र पधानमन्त्री केपी शर्मा ओलीबीच गम्भीर छलफलसँगै समीक्षा सुरु भएको बताएका थिए ।
खुमलटारस्थित निवासमा पत्रकारहरूसँग कुरा गर्दै प्रचण्डले मन्त्रीहरू हेरफेर हुन सक्ने समेत बताए । उनले आफ्नो–अर्को नभनी केही मन्त्रीको कामका आधारमा जिम्मेवारी हेरफेर हुन सक्ने बताएका छन ।
प्रतिक्रिया दिनुहोस्