सुर्खेत,,२० भाद्र । छोरा जन्मिने आशमा दैलेख जिल्लाको आठबीस नगरपालिका–६ दौरीकाटे टोलका ४० वर्षीय धर्म तिरुवाका ६ छोरी जन्मिएका छन ।

आर्थिक अवस्था कमजोर भएका तिरुवाको घर नजिकै स्कूल हुँदाहुँदै पनि छोरीहरू कुनै पनि स्कूल जाँदैनन् । उनका ७ छोराछोरीमध्ये विद्यालय जाने उमेर समूहका ५ छोराछोरी विद्यालय जान छोडेर जंगलमा जाने गरेका छन् । करीब १० मिनेटको दुरीमा भैरव आधारभूत विद्यालय भएपनि कोही पनि स्कूल जाँदैनन् ।

आर्थिक अवस्था नाजुक भएका कारण छोराछोरी विद्यालय पठाउन नसकेको अभिभावक धर्म तिरुवाले बताए । ‘मेरो पारिवारिक अवस्था कमजोर भएका कारण मैले छोराछोरीलाई विद्यालय पठाउन नसकेको उनको भनाइ छ । ज्याला मजदुरी गरेर खानुपर्ने भएका कारण उनीहरूलाई कपडा र कापी पनि किन्न नसकेको उनले बताएका छन ।

छोराछोरीलाई अध्यापन गराउने व्यवस्था कसैले मिलाइदिए विद्यालय पठाउने बताए ।पहिलो पत्नीको मृत्युपश्चात् छोराछोरीलाई पालनपोषण गर्न सहज हुने अपेक्षासहित उनले अर्को विवाह गरेका छन् । उनकी दोस्रो पत्नी पनि अहिले गर्भपती छिन् ।

उनले छोरा पाउने आशसहित आफूले धेरै बच्चा जन्माएको उनले बताए ।‘पहिलो श्रीमतीबाट ६ सन्तान जन्मेसम्म छोरा जन्मिएन ।

सातौं सन्तानको रुपमा छोरा जन्मियो,’ उनले भने, ‘उतिबेला छोरा पाउने अपेक्षाका कारण मैले सन्तान जन्माउँदै गएँँ । छोरी अर्काको घर जान्छन् भन्ने उतिबेला समाजमा आम धारणा भएका कारण यस्तो भएको उनले बताए  ।