काठमाडौं १६ असार । बेइजिङमा प्रफुल्ल मन बनाएर ल्हासा फर्किदै गर्दा चीनको सिचुवानस्थित छेन्दु अन्तराष्ट्रिय विमानस्थलमा एकघण्टा ट्रान्जिट पर्यो । सोही समयको सदुपयोग गर्दै प्रधानमन्त्री ओलीले विमानस्थलको अति विशिष्ठ कक्षमा एबीसी टेलिभिजनलाई एस्क्लुसिभ अन्तर्वाता दिए ।

एबीसी टेलिभिजनको विशेष अन्तर्वार्ता कार्यक्रम आउटलुकका लागि शुभशंकर कंडेलसँग ओलीले नेपालका विशाल दुई छिमेकी मुलुक दुई ठुला देशको सहयोगबाट नेपालको विकास गर्ने वातावरण बनेको दाबी गरे । ओलीले नेपाल र चीनको सम्बन्धमा थप नयाँ आयाम थपेको बताए । नेपालले दुवै ठुला देशको सहयोग र सहकार्यमा नेपालको विकास गर्ने वातावरण सृजना गर्न लाग्न आवश्यक रहेको तर्क गरे ।

प्रधानमन्त्री ओलीले चीनमा राष्ट्रपति सि चिनफिंगसंगको भेट लगत्तै चिनिया टेलिभिजन सिजीटिएन लाई विशेष अन्तर्वार्ता दिएका थिए । प्रम ओलीले चिनिया टेलिभिजनलाई अन्तर्वाता दिंदै नेपाल र चीनबीचको सम्बन्ध मात्र नभई अन्य देशसंगको सम्बन्ध अनि भविष्यलाई पनि ख्याल गर्दै दुइपक्षिय रुपमा सहयोग र सहकार्य गर्नुपर्ने बताए । पछिल्लो समय सृजना भएका केहि शंका तथा अन्योलताहरुको पनि अन्त्य भइ नया युगको सुरु भएको प्रधानमन्त्री ओलीको दावी छ । आफ्नो भ्रमणबारे प्रतिक्रिया दिँदै ओलीले भने, ‘२०१६ मा राम्रै थियो अहिले त निकै राम्रो भयो ।’
प्रधानमन्त्री ओलीले सिजीटिएन र एबीसीलाई दिएको अन्तर्वार्तालाई एबीसीले पुन जस्ताको तस्तै प्रसारण गरेर जनतालाई ओलीको विदेश नीति बारेको धारणा बुझ्न सघाउ पुगोस भन्ने ठानेको छ ।
यो अन्र्वार्ताका पूरा प्याकेज आज राती ९ बजे आइतबार विहान ८ बजे र दिउंसो २ बजे प्रसारण हुनेछ ।