काठमाडौं, १५ असार । नेपाल र भारतबीच रहेका सबै प्रकारका सन्धिसम्झौता पुनरावलोकन गरी सुझाव दिन गठित प्रबुद्ध व्यक्ति समुह ईपीजीको नवौं बैठक शुक्रबारबाट काठमाडौमा सुरु भएको छ ।
बैठकले हालसम्म भएका बैठकको प्रगतिलाई दुईपक्षीय साझा प्रतिवेदनको रुप दिदै सरकारलाई बुझाउने निर्णय गर्ने बताईएको छ । यसअघि काठमाडौंमा सम्पन्न पछिल्ला दुई बैठकमा सहभागी हुन नसकेका पुर्व राजदुत जयन्त प्रसाद समेत नवौं बैठकमा सहभागी हुनुभएको छ । उहाँकै सहभागीताका लागी भन्दै बैठक एक महिना ढिलो गरी राखिएको हो ।
यसअघि नयाँदिल्लीमा भएको आठौं बैठकमा पनि १९५० को सन्धि प्रतिस्थापनको विषय नटुंगिएपछि काठमाडौंमा नवौं बैठक तय भएको हो । प्रधानमन्त्री केपी शर्मा ओलीको भारत भ्रमण लगत्तै दिल्लीमा ईपीजीको आठौं बैठक बसेको थियो । असार २० मा ईपीजीको समय सिमा सकिदै छ ।
त्यसअघि हुने बैठक पहिल्यै नमिलेका विषय आदान प्रदानबाट मिलिसक्नुपर्ने भएपनि भारतीय पक्ष उदास देखिएको अवस्थामा यो बैठक सुरु भएको हो । नेपाली पक्षको संयोजन डाक्टर भेषबहादुर थापा र भारतीय पक्षको भगत सिंह कोशीयारीले गरिरहनुभएको छ । बैठक शनिबार सकिने छ ।
प्रतिक्रिया दिनुहोस्