बाँके, २० जेठ । विरगंजबाट बाट सुर्खेत जादै गरेको रात्रीबसमा एक युवतीको सामुहिक बलात्कारको प्रयास भएको छ ।

ना ६ ख ७२२७ नम्बरको रात्रीबसमा सुर्खेत जाँदै गरेकी युवतीले बलात्कारको प्रयास हुन थालेपछि प्रहरीलाई सहयोगको लागि फोन गरेकी थिइन् ।

युवतीले फोन गरेर उद्वार गर्न आग्रह गरेपछि आज बिहान साढे ४ बजे बाँकेको राप्तीसोनारी गाउँपालिका २ अगैयामा प्रहरीले बस रोकेर चालक सहित २ जनालाई नियन्त्रणमा लिएको छ ।

इलाका प्रहरी कार्यालय कोहलपुरका प्रमुख डिएसपी यज्ञ प्रसाद भट्टराईले युवतीले रातीमा फोन गरेर यौन दुव्र्यवहारको प्रयास भइरहेको बताएपछि युवतीलाई उद्वार गरेर २ जनालाई नियन्त्रणमा लिइएको जानकारी दिए ।

उनका अनुसार बसका चालक अर्विन साह र अर्का बिष्णुकुमार ज्ञवालीलाई नियन्त्रणमा लिइएको छ । डिएसपी भट्टराईले युवतीले लिखित निवेदन नदिएको बताउदै निवेदन दिएपछि बलात्कारको प्रयास हो की दुव्र्यवहार मात्र हो भनेर खुल्ने बताए ।

प्रहरी स्रोतका अनुसार युवतीले भने, आफुमाथि बलात्कारको प्रयास भएको बताएकी छन् । उनीहरुलाई नियन्त्रणमा लिएर थप अनुसन्धान भइरहेको इलाका प्रहरी कार्यालय कोहलपुरले जनाएको छ ।