कृष्णनगर, १६ जेठ । कपिलवस्तु सदरमुकाम तौलिहवाबाट कृष्णनगर जाँदै गरेको भारतीय नम्वर प्लेटको स्कर्पियो दुर्घटना हुँदा एक जनाको मृत्यु भएको छ । दुई जना घाइते भएका छन् ।
तौलिहवा-बहादुरगन्ज सडकखण्डको कृष्णनगर नपा–८ जमुनी ठाउँमा GJ 5 CG 1785 नं.को स्कर्पियो अनियन्त्रित भै दुर्घटना भएको थियो । मृत्यु हुनेमा कृष्णनगर नगरपालिका–६ पटना निवासी ५० वर्षीया जहरुल्ला हसन मुसलमान छन् ।
यस्तै, चालक फैजन मुजावर र अर्का यात्रु छोटु बढैको बहादुरगन्जस्थित शिवराज अस्पतालमा उपचार भैरहेको छ । गाडीमा रहेका सात जना मध्ये चार जना सामान्य अवस्थामा घर फर्किएका छन् ।
प्रतिक्रिया दिनुहोस्