काठमाडौं, १२ जेठ ।  यसवर्षको उत्तम शान्ति पुरस्कार पूर्व शिक्षामन्त्री , एवं साहित्यकार दीनानाथ शर्मालाई प्रदान गरिएको छ ।
राजधानीमा शनिबार भएको एक कार्यक्रमबीचमा साहित्यकार शर्मालाई ताम्रपत्र र नगदले पुरस्कृत गरिएका हो ।

उत्तम कुँवर स्मारक पुरस्कार सम्मान गुठी २०४४ ले हरेक वर्ष प्रदान गर्ने उत्तम शान्ति पुरस्कार राष्ट्रियसभाका सदस्य समेत रहनुभएका शर्माको पछिल्लो कृति ‘बाह्रखरीको बोटमुनी’ साहित्यिक कृतिलाई पुरस्कृत गरेको हो । वि.स.२०७४ सालमा प्रकाशित उत्कृष्ट कृतिहरुको छनौटबाट एक जना आख्यानकारलाई पुरस्कार दिने गरिन्छ ।

साहित्यकार शर्माबाट प्रकाशित कृति बाह्रखरीको बोटमुनि नेपाली साहित्यमा नयां आयामको रुपमा आएको प्राध्यापक डाक्टर बासुदेव त्रिपाठीले बताउनु भएको छ । युगचेतना मनोभाव नविन प्रयोग सृजनाशिलताले ओतप्रोत र रमणीय अन्तरमनले निबन्ध सजिएको प्राध्यापक डाक्टर बासुदेव त्रिपाठीले चर्चा गनुभएको छ ।

प्राध्यापक गोपीकृष्ण शर्माले बाह्रखरीको बोटमुनि निबन्ध बाह्रय परिवेशमा टेकेर नौलो सौन्दर्यताको प्रयोग गरिएको बताउनु भयो । बाह्खरीको बोटमुनि निबन्ध आफ्नै सौन्दर्यता र कलात्मकरुपले प्रकट भएको प्रध्यापक शर्माले बताउनुभयो ।

त्यसैगरि प्रज्ञा प्रतिस्ठानका कुलपति गंगाप्रसाद उप्रेतीले नेपाली साहित्यमा नयां आयामको प्रार्दुभाव भएको बताउनु भएको छ । बाह्रखरीको बोटमुनि निबन्ध एक नयां र सिर्जनशितामा आधारित कृति भएको उहांको धारणा छ । उत्तम शान्ति पुरस्कार प्रदानले साहित्यीक अभियानमा थप नयां आयाम थपेको बताउनु भयो ।

नेपाली साहित्यको आख्यान क्षेत्रमा लेखन गर्ने बरिष्ठ साहित्यकारहरुलाई प्रत्येक वर्ष उत्तम शान्ति पुरस्कार प्रदान गरिन्छ । बिसं २०४४ सालमा स्थापित यो पुरस्कार तत्कालीन साहित्यकार उत्तम कुवरको स्मृतिमा स्थापना गरिएको हो । निबन्धकार शर्मालाई शनिबार प्रदान गरिएको पुरस्कार ३२ औ पुरस्कार हो । उत्तम कुवर स्मृति साहित्यीक गुठीबाट प्रत्येक वर्ष निबन्ध विधामा लेखन गर्ने साहित्यकारलाई पुरस्कार प्रदान गर्ने गर्दछ ।