सप्तरी, ९ जेठ । मधेश आन्दोलनका क्रममा सहिद भएका नागेश्वर कुमार यादवका पत्नीलाई सप्तरीको रुपनी गाउँपालिकाले सामाजिक परिचालकको रुपमा नियुक्ती दिएको छ । मधेश आन्दोलनका कुनै पनि सहिदका परिवारलाई जागिर दिइएको सप्तरीमा सम्भवत यो पहिलो हो ।

सहिद यादवकी पत्नी सुष्मा कुमारी यादवलाई रुपनी गाउँपालिकामा सामाजिक परिचालकको रुपमा नियुक्त गरिएको उक्त गाउँपालिकाका अध्यक्ष हरेराम यादवले जानकारी दिएका छन् ।

सुष्मालाई प्रमुख प्रशासकीय अधिकृत रामसुन्दर थापाद्वारा हस्ताक्षरित नियुक्ति पत्र मंगलबार गाउँपालिकाका अध्यक्ष हरेराम यादव, उपाध्यक्ष बेचनीदेबी सरदार र प्रशासीय अधिकृत थापाले संयुक्त रुपमा सुष्मालाई हस्तान्तरण गरे ।

२०७२ साल मंसिर ५ र ६ गते तत्कालिन मधेशी मोर्चा सप्तरीले “चलु राजमार्ग भरु राजमार्गको आयोजना गरेको बेला जिल्लाको रुपनीमा प्रहरीले चलाएको गोली लागि जमुनी मधेपुरा ९ का २७ वर्षिय नागेश्वर यादवको घटनास्थलमै मृत्यु भएको थियो । उनीसँगै भारदहमा प्रहरीको गोली लागि जिल्लाको डाढा गाविस बलिया बथनाहा १ का १४ वर्षिय बिरेन्द्र रामको मृत्यु समेत भएको थियो ।

सोही मधेश आन्दोलनका क्रममा प्रहरीको गोलीबाट मृत्यु भएका सप्तरीका राजिव राउत, रामकृष्ण राउत, बिरेन्द्र कुमार राम र दिलिप कुमार साहको मृत्यु भएको थियो ।

नियुक्ती पत्र-