काठमाडौं, ६ जेठ । नेपाल राष्ट्र बैंकले गत बुधवार राजधानीका विभिन्न स्थानबाट प्रहरीले बरामद गरेको नेपाली रुपैयाँ ‘नक्कली’ भएको पुष्टि गरेको छ। प्रहरीले बरामद गरेको २ करोड ६० लाख रुपैंया आधिकारीक नभई जाली भएको पुष्टि गर्दै बैंकले उपयुक्त कानुनी प्रक्रिया अघि बढाउन प्रहरीलाई निर्देशन पनि दिएको छ ।

प्रहरीले नक्कली नोट छापेर बजारमा लगेको गम्भीर आरोपमा प्रहरीले निर्माता वाग्लेसहित ६ जनालाई बुधवार नियन्त्रणमा लिएको थियो।

निर्माता वाग्लेको कोठाबाट मात्रै हजार दरका नक्कली नोट २ करोड ५२ लाख रुपैयाँ बरामद भएको थियो।

राष्ट्र बैंक नेपाली नोट जारी गर्ने आधिकारिक निकाय हो । नोट प्रकरणमा राष्ट्र बैंकले प्रहरीलाई पत्रचार गर्दै ‘नेपाल राष्ट्र बैक ऐन, २०५८’ को दफा ६१, ९५ र ९६ समेत आकर्षिक भएकाले
कारबाही गर्ने भनिएको छ।

२४ वर्षीय महेन्द्र बोगटीले काठमाडौं महानगरपालिका वडा नम्बर २६, मित्रनगरमा रहेको सुमधुर क्याफे तथा खाजाघरमा दिएको नोट नक्कली रहेको पहिचान भएको थियो।

लगत्तै खाजाघरका सञ्चालकले महानगरीय प्रहरी प्रभाग गोंगबुमा खबर गरेका थिए र जाली नोटको कारोबारको जालो नै खुलेको हो।