सल्यान, ६ जेठ । सल्यानमा यात्रुबाहक बस दुर्घटना हुँदा २० जना घाइते भएका छन् भने एकको अवस्था गम्भिर छ।
रुकुमको चौरजहारीबाट नेपालगञ्ज जाँदै गरेको ना ३ ख ९८७२ नम्बरको बस सल्यानको सल्ली बजार नजिकै दुर्घटनाग्रस्त भएको हो । सडकबाट बस करिब सय मिटर तल खसेको जिल्ला प्रहरी कार्यालय, सल्यानले जनाएको छ ।
सल्यानका डीएसपी भरतबहादुर बिकका अनुसार प्रारम्भिक अनुसन्धानमा गाडीको स्टेरिङ फेल भएर दुर्घटना भएको देखिएको छ । घाइतेहरुलाई उपचारका लागि स्थानीय अस्पतालमा लगिएको छ ।
प्रतिक्रिया दिनुहोस्