विराटनगर, २१ वैशाख । सिण्डिकेट पक्षधर यातायात व्यवसायीले शुक्रबार गरेको हड्तालका बेला नेपालको पूर्वी क्षेत्रमा भने प्रहरीले बस चलाएर सर्वसाधारणलाई सेवा दिएको छ ।

प्रहरीले भखरै दर्ता भएको कम्पनी एरिना सार्वजनिक यातायातको बस सञ्चालन गरेको हो ।

प्रहरीको सहयोगमा सुनसरीको इटहरीदेखि झापासम्मको रुटमा सो कम्पनीका १० वटा गाडी गुडाइएको छ ।

एरिना यातायातका सञ्चालक समीर कार्कीका अनुसार इटहरी इलाका प्रहरी कार्यालय अगाडि मध्यान्नबाट एरिना यातायात कम्पनीका बसहरु बर्दिधारी प्रहरी चालकले हाँकेका थिए ।

सुनसरीका प्रमुख जिल्ला अधिकारी प्रेमप्रकाश उप्रेतीले यात्रुको सुरक्षाको लागि प्रहरीको सहयोगमा बस सञ्चालन गरिएको जानकारी दिए। उनले भोलिदेखि हड्तालमा उत्रिएका व्यवसायीको गाडीसमेत कब्जामा लिएर प्रहरीले चलाउने बताए ।

सरकारले लागु गरेको नँया निर्देशन विरुद्ध हड्तालमा उत्रेका यातायात समितीका ब्यावसायीमाथि सरकार कडा भएर उत्रीएको छ। गृह मन्त्रालयको निर्देशनमा अटेर गर्ने ब्यावसायीहरुलाई अहिले धमाधम पक्राउ गरिदै छ।