काठमाडौं, १८ वैशाख । त्रिभुवन विमानस्थलबाट भएको ३३ किलो सुन तस्करीको मुख्य योजनाकार चुडामणि उप्रेती ‘गोरे’को प्रेमिकाको पनि घटनामा संलग्नता भएको पाईएको छ । यससंगै सरकारले गठन गरेको छानविन समितिले उनको बैक खाता तथा सम्पत्ति रोक्का गरेको छ।

रक्षा भण्डारी गोरेकी प्रेमिका हुन्। विगत केही वर्षदेखि उनीहरु प्रेम सम्बन्धमा रहेको र बिहे समेत गर्ने तयारीमा थिए। रक्षाका बाबु रुद्राक्षको व्यापार गर्छन्।

स्थाई घर पूर्व भएकीकी रक्षा केही समयदेखि काठमाडौंको गौरीघाटमा बस्दै आएकी छिन्। गोरेले अवैधरुपमा विमानस्थलबाट भित्र्याएको सुन उनकै कोठामा लगेर राख्ने गरेको समेत अनुसन्धानबाट खुलेको छ।

रक्षाको सम्पर्क गोरेसँग रहेको पाएपछि सरकारले गठन गरेको छानविन समितिले उनको बैक खाता तथा सम्पत्ति रोक्का गरेको हो । ‘गोरे’ विदेशमा भएको बेला सम्पूर्ण आर्थिक कारोबार रक्षाले गर्ने गरेको अनुसन्धानमा खुलेको छ।

गोरे मोरङ–११ फुटबल टिमका राम्रा खेलाडीमध्ये एक थिए। तीन महिनाअघि उर्लाबारीमा भएको मेयर कप फुटबल हुँदा उनी मैदानमै थिए। तस्करी प्रकरणको मुख्य योजनाकार गोरे भएको खुलेपछि हाल उनी फरार छन् । उनको नाममा प्रहरीले रेडकर्नर नोटिस जारी गरेको छ।