काठमाडौं, १४ वैशाख । साढे ३३ केजी सुन प्रकरणमा तानिएका ३ प्रहरी अधिकारीलाई प्रदेश नं. १ का निमित्त प्रहरी प्रमुख डिआईजी ज्ञानविक्रम शाहले सुटुक्क भेटेका छन् ।
प्रकरणमा मुछिएर प्रहरी हिरासतमा रहेका पूर्व डिआईजी गोविन्द निरौला, निलम्बित एसपी विकासराज खनाल र डिएसपी सञ्जयबहादुर राउतलाई भेटेका हुन् । जिल्ला प्रहरी कार्यालयका प्रहरी उपरीक्षक (एसपी) अरुणकुमार विसी नभएको अवस्थामा उनले उनीहरुसँग गोप्य भेट गरेको प्रहरी स्रोतले बतायो । यद्यपि, उनीहरुबीच के कुराकानी भयो भन्ने खुलाइएको छैन ।
प्रहरी हिरासतमा रहेका उनीहरुलाई प्रहरी प्रमुख विसीकै कार्यकक्षमा बोलाएर डिआईजी शाहले करिव आधा घण्टा कुराकानी गरेको प्रहरी स्रोतले बतायो ।
प्रतिक्रिया दिनुहोस्