लुम्बिनी, ११ वैशाख । यही वैशाख १५ गतेबाट सुरु हुने २५६२ औं बुद्ध जयन्ती तथा अन्तराष्ट्रिय बौद्ध सम्मेलनको तयारी अन्तीम चरणमा पुगेको छ ।
लुम्बिनी बिकास कोषले आज पत्रकार सम्मेलन गर्दै बौद्ध सम्मेलन र बुद्ध जयन्तीको तयारी अन्तिम चरणमा पुगेको जानकारी गराएको छ । कोषका अनुसार बौद्ध सम्मेलन तथा बुद्ध जयन्तीका बिभिन्न कार्यक्रमहरु वैशाख १५ देखि १७ गतेसम्म लुम्बिनीमा हुंदैछ ।

सम्मेलनको उदघाटन प्रधानमन्त्री केपी शर्मा ओलीले र बुद्ध जयन्ती मूल समारोहको उदघाटन राष्ट्रपति बिद्यादेबि भण्डारीबाट हुने कोषका उपाध्यक्ष अवधेश त्रीपाठीले जानकारी दिनुभयो ।

यसबर्षको सम्मेलनको नारा ‘पनि प्रथम सम्मेलनमा राखिए अनुसार लुम्विनी, नेपालः भगवान बुद्धको जन्मस्थल,बौद्ध धर्मको उद्गमभूमी तथा विश्व शान्तिको मुहान’ रहेको छ । पत्रकार सम्मेलनमा बोल्दै कोषका उपाध्यक्ष अबधेस कुमार त्रिपाठीले सम्मेलनमा १५ देशबाट संस्कृति तथा धार्मिक मामिला मन्त्री र २३ देशका बिभिन्न तहका ब्यक्तिहरु सहभागिता रहने बताउनुभयो ।

सम्मेलनमा राष्ट्रिय तथा अन्तराष्ट्रियस्तरका बौद्ध धर्म,दर्शन,संस्कृति तथा सम्पदा सम्बन्धमा बिभिन्न ३२ वटा कार्यपत्रहरु प्रस्तुुत हुनेछन् । १६ जना नेपाली र १६ बिदेशी प्रस्तुत गर्ने कार्यपत्रहरुलाई निष्कर्ष सहित लुम्बिनी घोषणा पत्र २०१८ जारी गरिनेछ ।

पत्रकार सम्मेलनमा बोल्दै पुर्व संस्कृति तथा पर्यटन मन्त्री आनन्द प्रसाद पोखरेलले संसारमा सबै भन्दा ठुलो गणतन्त्रबादी नेता बुद्ध भएको दाबी गर्नुभयो ।
सम्मेलन सम्पन्न गर्न प्रधानमन्त्रीको अध्यक्षतामा ५६२ सदस्सिय मूल समारोह समिति गठन भएको छ । सम्मेलनकै लागि नेपाली सेनाले सभाहल निर्माण गर्दै गरेको र सबै बिहारहरुलाई अन्तराष्टबाट आउने पाहुनाहरुलाई ब्यवस्थित बसोबासका लागि अनुरोध गरिएको उपाध्यक्ष त्रीपाठीले बताउनुभयो ।