काठमाडौं, ३० चैत । केहि समय अघि कालो हरिण शिकार गरेको आरोपमा अदालतले बलिउड अभिनेता सलमान खानलाई दोषी ठहर गर्दै जेल चलान गर्यो । दुई दिन जेल बसेर अन्तत सलमान ५० हजार धरौटीमा रिहा भए । धरौटीमा रिहा भएका खानविरुद्ध अदालतले पाँच वर्षको जेल सजाय तोकेको थियो । बलिउडमा उनी जस्तै अन्य केहि स्टारहरु छन्, जसलाई पनि यस्तै सानाठुला अपराधिक घटनाको काण्डहरू झेल्नु परेको छ ।

सुरज पन्चोली
आदित्य पन्चोलीका अभिनेता पुत्र सूरज पन्चोलीलाई आफ्नो गर्लफ्रेण्ड अभिनेत्री जिया खानलाई आत्महत्या गर्न उक्साएको आरोप लागेको थियो । सुरजको बिरुद्ध धारा ३०६ अन्तर्गत मुद्धा दर्ता गरिएको थियो । सूरज १० जुन २०१३ मा यस मुद्धामा जेल पनि गएका छन् । यद्यपी पछि उनीलाई जमानत प्राप्त भयो । आरोपका अनुसार ३ जुन २०१३ मा जिया आफ्नो घरमा झुण्डिएको अवस्थामा फेला परेकी थिइन् । उनी दुई दिनदेखि सूरज सँग घरमै बसेकी थिइन् । त्यसै दिन बिहान आफ्नो घर फर्केकी थिइन् ।

शाहरुख खान
बर्ष २०१२ मा मुम्बईको वनखेडे स्टेडियममा क्रिकेट म्याच भइरहेको समय शाहरुखको क्रिकेट एशोसियनशनका अधिकारिहरुसँग बहस भएको थियो । उनले सेक्युरिटी गार्डलाई गाली गरेको आरोप लागेको थियो । त्यसपछि उनलाई त्यस स्टेडियममा आउन निषेध गरिएको थियो । यसै घटनालाई लिएर अपराधिक मुद्धा दर्ता भएको थियो । यसका साथै उनीमाथी फिल्म ‘ओम शान्ति ओम’ मा वयोवृद्ध अभिनेता मनोज कुमारको छबि खराब बनाएको आरोपमा मुद्धा दर्ता भएको थियो ।

संजय दत्त
संजय दत्तलाई गैरकानुनी रुपमा हतियार राखेको घटनामा दोषी ठहराइएको थियो । अदालतले उनलाई ५ बर्षको जेल सजाए सुनाएको थियो । यो मुद्धामा उनले जेल सजाय काटेका छन् । उनलाई राम्रो व्यवहारको कारण समय भन्दा पहिले नै रिहाई गरिएको थियो ।

सेफ अलि खान
छोटे नवाबको नामले परिचित बलिउडका तारा सेफ अलि खान पनि कालो हरिणको शिकारको मुद्धाका आरोपी हुन् । यसका साथै उनलाई एक एनआरआई बिजनेस म्यानलाई पिटेको घटनालाई लिएर मुद्धा समेत लागेको थियो ।

गोविन्द
गोविन्दलाई २००७ मा फिल्म ‘मनी हे तो हनी हे’को सेटको समयमा एक व्यक्तिलाई थप्पड हानेका थिए । यस घटनामा उनी बिरुद्ध अपराधिक मुद्धा दर्ता भएको थियो । पछि उनले माफि मागेका थिए ।

फरदीन खान
बर्ष २००१ मा फरदीन खानलाई कोकिन खरिद गर्दा गर्दै पक्राउ गरिएको थियो । यस मुद्धामा उनी बिरुद्ध एनडीपीएसको धारा २७ अनुरुप मुद्धा दर्ता भएको थियो । यद्यपी पछि उनलाई अदालतबाट राहत मिलेको थियो ।

(विभिन्न अनलाईनबाट)