चैत्र २८ , दैलेख । दैलेखका ११ वटै स्थानीतहमा कार्यालय ब्यवस्थापनको लागि आएको ११ करोड रुपयाँको सहि सदुपयोग नभएको भन्दै निर्वाचित प्रमुखहरुले नै असन्तुष्टि जनाएका छन् । ११ वटै तहमा आएको ११ करोड रकम मध्ये अधिकाँस स्थानमा ५० लाख सम्म खर्च गरिएको जनप्रतिनिधीहरु बताउछन् ।

पदैलेखको नारायण नगरपालिका कार्यालयले आफ्नो कार्यालय व्यवस्थापनमा गरेको १ करोड खर्च रकमबारे उपप्रमुख एवं कार्यवाहक नगरप्रमुख सावित्रि मल्लले नै असन्तुष्टि जनाएकीछिन । संचारकर्मीहरु सँग गरिएको अन्तरक्रिया कार्यक्रममा बोल्दै मल्लले कार्यालय व्यवस्थापनको लागि आएको १ करोड खर्च रकम मध्ये उपप्रमुखको कार्यकक्षमा गरिएको खर्च लगायतको खर्चको पूर्ण बिवरण सहित चित्त बुझ्दो जावाफ नआएकोले आफ्नो कार्यकक्षको सामान नबुझेको बताएकी छन् ।

पुरानो नगर पालिका भएकोले यस कार्यालयमा भौतिक पूर्वाधार सवै भएको हुदा नया खरिद गर्दा पुरानो सामान कहाँ हजुरहरुले पनि यस्ता रकमको बारेमा खोजी गरिदिनुप¥यो, संचारकर्मीलाई आग्रह गर्दै मल्लले भनिन् आफुले हरेक योजनाहरुको बारेमा अनुगमन गरेर सार्वजनिक सुनुवाई मार्फत आम नागरिकहरुलाई विकासप्रति चित्तबुझ्दो जवाफ नआएसम्म रकम भुक्तानी नदिने घोषणा समेत गरेकी छु ।

नारायण नगरपालिकाले हरेक योजनाको फरफारक गर्दा सामाजिक परीक्षण, सार्वजनिक सुनुवाई र संचारकर्मीहरुको अनुगमन पश्चात भुक्तानी दिने र संचारमैत्री नगरपालिका निर्माण गर्नेमा आफु निरन्तर लागिरहने मल्लले बताईन् ।
नारायण नगरपालिका दैलेखले भने १ करोड खर्च रकमको हिसाव संचारकर्मीहरुलाई जानकारी गराएको छ । आएको १ करोड रकम मध्ये ५४ लाख रुपैयाँ वडा कार्यालय सहित नगरपालिकाको कार्यालय व्यवस्थापनमा खर्च भएको छ भने ४५ लाख रुपैयाँ बचत भएको बताइएको छ ।

नगरपालिकाले दिएको बिवरण अनुसार मोटरसाइकल खरिद, टेवुल, स्टिल दराज, सोफा, कार्पेट, मेसिन मर्मत, ल्यापटप, कम्प्युटर, पिन्टर खरिद लगायतमा ५४ लाख रकम खर्च गरिएको देखाइएको छ । निर्वाचित जनप्रतिनिधिहरुले १ करोड रकम सँगै दैलेख शिरिस्थान सडक र सदरमुकाममा भएको सडकको खर्चको पूर्ण विवरण समेत माग गरेको बताएका छन् ।
दैलेखका अन्य १० वटा स्थानीय तहमा कार्यालय व्यवस्थापनका लागि गरिएको खर्चको रकमबारे पनि बेला बेलामा चर्चा हुने गरेको र अन्य १० वटा स्थानीय तहका सरकारहरुले पनि खर्च बिवरण सार्वजनिक गर्नुपर्ने नेपाल पत्रकार महासंघ दैलेखका अध्यक्ष चक्र के.सी.ले बताए ।