काठमाडौ, १४ असार । नेपाल राष्ट्र बैंक र बैंक अफ कोरियाबीच सहकार्य गरेर अघि बढ्ने समझदारी भएको छ ।
मंगलबार काठमाडौंमा दुवै बैंकका पदाधिकारीबीच सहकार्य गरेर अघि बढ्ने समझदारी पत्रमा हस्ताक्षर गरिएको हो । नेपालको वित्तीय क्षेत्रको अनुसन्धान र अनुगमनको कामलाई आधुनिकीकरण गर्न बैंक अफ कोरियासँग सहकार्य गरेर जाने समझदारी भएको नेपाल राष्ट्र बैंकका कार्यकारी निर्देशक नरबहादुर थापाले जानकारी दिनुभयो ।
नेपालको बैंकिङ प्रणालीलाई आधुनिक बनाउन दुवै बंैकले आवश्यक सुझावसहितको प्रतिवेदन ६ महिनाभित्र तयार पार्ने समझदारी पत्रमा उल्लेख गरिएको छ । नेपाल राष्ट्र बैंकले बैंकलाई प्रविधिमैत्री बनाउन अन्तर्राष्ट्रिय वित्तीय निकायहरुस“गको सहकार्यलाई जोड दिँदै जाने नीति लिएको छ ।