काठमाडौं, २८ चैत । सभामुख कृष्णबहादुर महराले अहिले माओवादी केन्द्रमा नरहेको बताउनु भएको छ । सभामुख सपथग्रहण लगत्तै पार्टीको सबै जिम्मेवारीबाट अलग भइसकेको उहाले बताउनुभयो ।

संचारकर्मी संग कुरा गर्दै महराले भन्नुभयो, ‘सभामुख नहुदा पार्टीमा रहँदा पनि म सबैसग सन्तुलनमा रहने भएकाले राष्ट्रिय अन्तर्राष्ट्रिय समुदायसग संवाद गर्नलाई पार्टीले खटाउथ्यो । अब सभामुखको पदमा रहुन्जेल निष्पक्ष भुमिकामा हुन्छु । हिजो माओवादी पार्टीमा थिए तर अब छैन ।’

सभामुख महराले दुई वर्षभित्रमा संसदको आफ्नै भवन हुने समेत बताउनुभयो। उहाँका अनुसार सिंहदरबारभित्र रहेको पुतली बगैंचामा संघीय संसद भवन बन्नेछ । त्यसका लागि पुतली बगैचामा रहेको सेनाको ब्यारेक गृहमन्त्रालय पछाडि सार्न प्रधानसेनापति सहमत भैसकेको समेत जानकारी दिनुभयो। भवन निर्माणका प्राबिधिक काम शुरु भैसकेको सभामुखले उहाँले बताउनुभयो ।

सभामुख महराले आगामी असोज भित्र संविधान अनुसार सबै कानूनहरु बनाइसक्नु परने भएकाले सबै मन्त्रालयले विधेक मस्यौदा गरेर पठाउन प्रधानमन्त्री सग कुरा भैसकेको जानकारी दिनुभयो।