काठमाडौं ७ वैशाख । प्रमुख प्रतिपक्ष दल नेपाली कांग्रेसले सभामुख डोलप्रसाद अर्यालले स्वयंले संसदीय मर्यादा उल्लंघन गरिरहेको आरोप लगाएको छ।
प्रतिनिधि सभा बैठकको आकस्मिक समयमा बोल्दै कांग्रेस सचेतक निष्कल राईले सरकारलाई संसदप्रति उत्तरदायी बनाउन विपक्षले गरेका प्रयासमा सभामुखले सहयोग नगरेको आरोप लगाउए । उनले संसदको अभिभावकको रूपमा सभामुख निष्पक्ष रहनुपर्ने बताउँदै संसदको गरिमा कायम राख्नुपर्नेमा जोड दिए ।
सचेतक राईले वर्तमान सत्तापक्षले विगतमा विपक्षमा रहँदा वेल घेराउ, प्लेकार्ड प्रदर्शनलगायत गतिविधि गरेको स्मरण गराउँदै अहिले त्यही अभ्यासलाई फरक रूपमा मूल्यांकन गरिएको भन्दै प्रश्न गरे ।
उनले सरकार संसदप्रति उत्तरदायी नभएको र सभामुख तथा सरकार दुवैको भूमिकाले संसदीय मर्यादामा असर परेको निष्कर्षसमेत व्यक्त गरे ।
प्रतिक्रिया दिनुहोस्