काठमाडौं ७ वैशाख । श्रम संस्कृति पार्टीका अध्यक्ष हर्कराज राईले काठमाडौँ महानगर प्रमुख बालेन्द्र साह को राजीनामा माग गरेका छन् ।

बिहीवार प्रतिनिधिसभा बैठकको शुरुमै बोल्दै अध्यक्ष राईले प्रधानमन्त्री कार्यकारी नेतृत्व संसदप्रति जवाफदेही हुन नसकेको आरोप लगाउँदै मार्ग प्रशस्त गर्नुपर्ने धारणा राखेका हुन ।

उनले संसदीय नियमावलीअनुसार सांसदहरूले राखेका प्रश्नहरूको उत्तर दिनुपर्ने व्यवस्था भए पनि गृह, रक्षा तथा सीमा सुरक्षा जस्ता संवेदनशील विषयमा उठाइएका प्रश्नहरूको जवाफ नदिएको भन्दै आपत्ति जनाए ।

राईले विशेषगरी लिपुलेक, सुकुम्बासी व्यवस्थापन, शान्ति–सुरक्षा र सीमा सुरक्षासँग सम्बन्धित विषयमा आफूले राखेका प्रश्नहरू बेवास्ता गरिएको दाबी गरे ।
उनले बारम्बार प्रश्न उठाउँदै संसदको गरिमा कायम राख्नुपर्ने र जवाफदेहीता सुनिश्चित गर्न नसक्ने अवस्थामा नेतृत्वले मार्ग प्रशस्त गर्नु उपयुक्त हुने टिप्पणी गरे।