पार्टी केन्द्रीय कार्यालय सानेपामा पत्रकार सम्मेलन गर्दै कांग्रेस प्रवक्ता विश्वप्रकाश शर्माले जनतामा आशा र भरोसा दिनु पर्नेमा यो सरकारले ढुकुटी रित्तो छ भने भ्रम पार्न खोजेको बताए।‘सबै रित्तो थियो हामीले शुन्यबाट सम्वृद्धिको यात्रा थालेका हौं भन्न खोजेको देखियो,’ शर्माले भने, ‘इतिहासको वास्ता नगरी आजबाट सुरू हुन्छ भनियो।’ यो गतल हो उनले पत्रकार सम्मेलनमा भने ।
प्रवक्ता विश्वप्रकाश शर्माले अर्थतन्त्रलाई नकारात्मक देखाउन सरकारले आफ्नो अनुकुल तथ्यहरुलाई समेटेर सरकारले श्वेतपत्र ल्याएको बताए । श्वेतपत्रका नाममा सरकारले इतिहास आजबाट सुरु हुन्छ भन्ने देखाउन खोजेको कांग्रेसको आरोप छ ।चैत १६ गते अर्थमन्त्री युवराज खतिवडाले संसदमा श्वेतपत्र जारी गर्दै सरकारी ढुकुटी लगभग रित्तिएको बताएका थिए।
प्रतिक्रिया दिनुहोस्