काठमाडौं २८ वैशाख । Turkish Airlines को इस्तानबुलबाट काठमाडौं आएको TK726 उडानमा अवतरणका क्रममा आगलागी भएपछि Tribhuvan International Airport केही समयका लागि बन्द गरिएको छ।

सोमबार बिहान करिब पौने ७ बजे अवतरण गर्ने क्रममा जहाजको दाहिनेपट्टिको पाङ्ग्रामा आगो देखिएको विमानस्थल कार्यालयले जनाएको छ। आगलागी लगत्तै विमानस्थलमा खटिएको दमकल टोलीले आगो नियन्त्रणमा लिएको थियो।

विमानस्थलका एक अधिकारीका अनुसार जहाज सुरक्षित रूपमा अवतरण भए पनि ल्यान्डिङका बेला ह्विलमा समस्या देखिँदा आगलागी भएको हो। अहिले विमान हटाउने काम भइरहेको छ भने त्यसपछि मात्रै रनवे पुनः सञ्चालनमा आउने जनाइएको छ।

विमानमा चार जना बालबालिकासहित २७७ जना यात्रु सवार रहेका थिए। आगलागीपछि सबै यात्रुलाई इमर्जेन्सी ढोका प्रयोग गरेर सुरक्षित उद्धार गरिएको विमानस्थलले जनाएको छ।

उद्धारका क्रममा केही यात्रु सामान्य घाइते भएका छन्। रनवे बन्द हुँदा आन्तरिक तथा अन्तर्राष्ट्रिय उडान-अवतरणसमेत प्रभावित भएको छ।