काठमाडौं । प्रतिनिधि सभा निर्वाचन २०८२ मा राष्ट्रिय स्वतन्त्र पार्टीको ‘घण्टी’ चिन्हले अर्को सफलता हासिल गरेको छ। धनुषा निर्वाचन क्षेत्र नम्बर ३ बाट पार्टीका उम्मेदवार मनिष झा विजयी भएका छन्।

मतगणनाको पछिल्लो विवरणअनुसार झाले १३ हजार ५०४ मत प्राप्त गरेका छन्। उनका मुख्य प्रतिस्पर्धी नेपाली कांग्रेसका वरिष्ठ नेता विमलेन्द्र निधिले ३ हजार ७६४ मत मात्र प्राप्त गरेका छन्। मतान्तर ठूलो भएकाले झाको जित निश्चित भएको निर्वाचन स्रोतले जनाएको छ।

एमालेको जमानत जफत हुने स्थिति

यसै क्षेत्रमा नेपाल कम्युनिस्ट पार्टी (एमाले)की उम्मेदवार जुलीकुमारी महतो (महासेठ)ले अहिलेसम्म १ हजार ५९९ मत मात्र प्राप्त गरेकी छन्। मत परिणामको यही प्रवृत्ति कायम रहे एमाले उम्मेदवारको जमानत जफत हुने स्थिति देखिएको छ।

धनुषा–३ को परिणामलाई विश्लेषकहरूले तराई–मधेशमा नयाँ राजनीतिक शक्तिको उदयको संकेतका रूपमा व्याख्या गरेका छन्। रास्वपाले राजधानीपछि मधेशमा पनि जित हात पार्दै आफ्नो प्रभाव विस्तार गरेको देखिएको छ।