काठमाडौं, १५ फागुन । नेकपा एमालेका नेता ईश्वर पोखरेलले एमालेले राष्ट्रियता, देशको सार्वभौमिकता, अखण्डता, स्वाधीनता, स्वाभिमानको पक्षमा अडान लिएको बताएका छन्। काठमाडौं ५ मा आयोजित चुनावी कार्यक्रममा बोल्दै एमालेले सामाजिक सद्भावका मुद्दालाई महत्वका साथ उठाएको बताए।

उनले भने, ‘यो हाम्रो देश बहुजाति, बहुभाषा, बहुधर्म, बहुसंस्कृति र भौगोलिक विविधता भएको देश हो । यसलाई बिथोल्न खोज्ने कुनै पनि कुरा गलत हुन्, ती चिजहरूलाई अन्त्य गर्नुपर्छ भन्ने एमालेको अडान हो।’एमालेले शिक्षा क्षेत्रमा, स्वास्थ्य क्षेत्रमा, रोजगारीको क्षेत्रमा, उत्पादनको क्षेत्रमा, स्वरोजगारीको क्षेत्रमा, सामाजिक सुरक्षाको क्षेत्रमा, यी यस्ता विविध क्षेत्रमा( कृषिमा, उद्योगमा, पूर्वाधारमा, ऊर्जामा केन्द्रित भएको बताए।उनले थपे, ‘एमालेले देश बनाउनको लागि विशेष अभियान अन्तर्गत विकास निर्माणका कामहरूलाई अगाडि बढाएको थियो, कुनै(कुनै त्यत्तिकै अलपत्र परेका छन्, छोडिएका छन् । त्यो चिजलाई अगाडि बढाउनुपर्छ भन्ने एमालेको सङ्कल्प र अठोट छ ।’०८४ सालमा हुनुपर्ने निर्वाचन ०८२ मा सामान्य रूपमा हुन नलागेको बताए। उनले भने, ‘मुलुकको लोकतान्त्रिक प्रक्रिया, संवैधानिक प्रक्रिया लिकबाट तल झरेको दुर्भाग्यपूर्ण अवस्था हो । लिकबाट तल झरेको यो अवस्थालाई लिकमा ल्याउनुपर्ने आवश्यकता छ । यो निर्वाचनले लिकबाट तल झरेको प्रक्रियालाई लिकमा ल्याउँछ।’देशको हित विपरीत भइरहेका कामको विपक्षमा देशभक्त नागरिकहरूलाई गोलबन्द गर्न आवश्यक रहेको बताए।