काठमाडौं ४ असोज । नेपाली कांग्रेसका नेता डा. मिनेन्द्र रिजालले नेपालको लोकतान्त्रिक आन्दोलनमा निर्णायक भूमिका खेल्दै आएका पार्टीहरु लिगेसी पार्टीमा बदलिएको बताएका छन् । एबीसी टेलिभिजनको कार्यक्रम आउटलुकका लागि प्रधानसम्पादक शुभशंकर कँडेलसँगको विस्तृत अन्तर्वातामा डा.रिजालले एमाले अध्यक्ष ओेलीका सामु कांग्रेसको नेतृत्वको अन्धभक्तिपूर्ण लाचारीेले लोकतन्त्रमै संकट उत्पन्न हुने अवस्थामा पुर्याएको बताएका छन् ।

जेन्जी पुस्तको विद्रोहलाई केवल कसैले गराइदिएको भनेर पन्छिन नमिल्ने भन्दै नेता रिजालले राष्ट्रपतिले बडो जुक्तिले जोगएको संविधान भनेबाट नै संकट कति गहिरो थियो र छ भन्ने कुरा बुझ्न सकिने रिजालको बुझाई छ ।

नयाँ संविधानपछि नेकपाको दुई तिहाई बहुमतले संसदमाथि घात गरेको थियो भने कांग्रेस र एमालेको बहुमतले संविधानमाथि नै घात गर्ने अपराध भएको सन्दर्भमा समाजमा नेतृत्वको पुस्तान्तरणलाई गम्भीरतापूर्वक आत्मसाथ गर्न जरुरी रहेको रिजालको बुझाई छ ।
२४ गते उत्पन्न असुरक्षामा आफूले श्रीमतिसँग हामी मध्ये एकजना मात्र बाहिर रहे पनि छोराछोरी र नातीनातिनाका लागि सहारा बन्ने सम्मको छलफल गरेको स्मरण गर्दै बुढेसकालमा जेल नै जानुपर्ने त होला भन्ने मानसिकता बनाएको अनुभव साझा गरेका छन् ।
डा.रिजालसँगको विस्तृत अन्तर्वार्ता शानिबार राती ९ बजे, आइतबार विहान ८ बजे र दिउँसो दुई बजे प्रसारण हुन्छ । यो अन्तर्वार्ता एबीसी टीभी नेपालको युट्युव च्यानलमा पनि हेर्न सकिनेछ ।