काठमाडौं २२ चैत । एमाले र माओवादी पार्टी एकता संयोजन समितिको बैठकले दुई पार्टीको एकता आगामी बैशाख ९गते गर्ने निर्णय गरेको छ । प्रधानमन्त्रीको निजी निवास बालुवाटारमा बसेको बैठकले बैशाख ९ गते एकता गर्ने गरी दुवै पार्टीले तयारी तीव्र पार्ने, दुवै कार्यदलको प्रतिवेदनलाई सकारात्मक रुपमा लिने निर्णय गरेको छ ।
प्रधानमन्त्री केपी शर्मा ओली भारत भ्रमणबाट फर्किएपछि कार्यदलले बुझाएको प्रतिवेदनमाथि थप छलफल गर्ने निर्णय भएको माओवादी नेता नारायणकाजी श्रेष्ठले जानकारी दिए ।
कार्यदलले प्रतिवेदन बुझाएपछि बसको पहिलो बैठकले प्रतिवेदनलाई सकारात्मक रुपमा लिएको छ । एकताका लागि एमालेले बैशाख ६ गते पोेलिटव्युरो र ७ गते केन्द्रीय समितिको बैठक बोलाइसकेको छ ।
प्रतिक्रिया दिनुहोस्