काठमाडौं ११ बैशाख । नेपाल सुपर लिग एनएसएल फुटबलको उपाधिका लागि पोखरा र ललितपुरले खेल्ने भएका छन् ।
हिजो भएको खेलमा स्टेफन समिर बिनोङको निर्णायक गोलमा दश जनामा समेटिएको पोखरा थन्डर्सले धनगढी एफसीलाई १–० ले हराउँदै फाइनलमा पुग्यो । पोखरा पहिलो पटक एनएसएलको फाइनलमा पुगेको हो ।
लगातार दुई पटक फाइनल खेलको धनगढी यसपटक प्लेअफबाट नै बाहिरियो । धनगढी पहिलो क्वालिफायरमा ललितपुर सिटीसँग पराजित भएको थियो ।
पोखरा थन्डर्सले एलिमिनेटरमा चितवनलाई ३–० ले हराउँदै दोस्रो क्वालिफायरमा पुगेको थियो । फाइनल खेल पर्सि शनिवार हुनेछ ।
प्रतिक्रिया दिनुहोस्