काठमाडौं २९ पुस । हङकङको लान्ताउ टापुस्थित ताइओमा अवस्थित पहाडमा आइतबार दिउँसोदेखि लागेको डढेलो सोमबार मध्यान्हसम्म पनि नियन्त्रणमा आउन सकेको छैन।
आइतबार दिउँसो ४स्५१ बजे आगलागीबारे प्रहरीलाई रिपोर्ट गरिएको थियो।
आगो निभाउन सरकारी उडान सेवालाई समेत खटाइएको छ। जसले फायर बिटर र न्यापस्याक पम्पहरू पनि प्रयोग गरिरहेको छ।
यसअघि पनि, शनिबार युनलङको काइकङ लेङ पर्वत शृङ्खलामा आगलागी भएको थियो। शनिबार ५स्३० बजे सल्केको आगो आइतबार बिहान १०स्४० बजे मात्र नियन्त्रणमा आएको थियो।
त्यतिबेला आगोमा दुई जना पदयात्री समेत फसेका थिए। उनीहरूलाई सकुशल उद्धार गरिएको थियो।
पछिल्लो आगलागीमा पनि हालसम्म कुनै मानवीय क्षतिको रिपोर्ट गरिएको छैन। हङकङ अब्जर्भेटरीले सुक्खा मौसमका कारण आगलागीको जोखिम बढ्दै गएको भन्दै जनतालाई सचेत रहन आग्रह गरेको छ। ९एजेन्सी०
प्रतिक्रिया दिनुहोस्